,,რიყის დოქები ბოლო ერთ თვეში მეორეჯერ გაიყიდა. გაიყიდა რა, ,,დაითრიეს” – რა ინფორმაციას აქვეყნებს ირაკლი აბესაძე?

კორუფციის მკვლევარი, ირაკლი აბესაძე ,,რიყის დოქების” შესახებ ახალ ინფორმაციას აქვეყნებს:

,,რიყის დოქები ბოლო ერთ თვეში მეორეჯერ გაიყიდა. გაიყიდა რა, ,,დაითრიეს”.
შემძენი – შპს ,,მაქრო ფროფერთი”, რომლის ერთ-ერთი დირექტორი კვლავ მიხეილ ტყეშელაშვილია (ე.წ. დეპუტატის ბარვენაშვილის წილების მმართველი). ხოლო საბოლოო მესაკუთრე ემინ უჩარი (კომენტარებში იხილეთ OCCRP კვლევა მის შესახებ).
შემძენმა გამყიდველს უნდა გადაუხადოს 2,840,000 აშშ დოლარი.
ამასთან მყიდველი იღებს ვალდებულებას დავით ხიდაშელის კომპანიას (ვინც სახელმწიფოსგან 96 მილიონ ლარად შეფასებული ქონება 10 მილიონად იყიდა) გადაუხადოს 10,600,000 ლარი. ანუ ახლა გამყიდველ კომპანიას ხიდაშელისგან რიყის დოქები რეალურად გამოსყიდული ჯერ არ ჰქონდა.
გამოდის, რომ შუაში არსებული მესაკუთრე კომპანია მხოლოდ 1 თვით რიყის დოქების მესაკუთრეობაში, ისე რომ 1 თეთრიც არ გადაუხდია მასში, იღებს 2,840,000 აშშ დოლარს, ანუ 7,7 მილიონ ლარს, ნეტა ვისი წილია ეს?

საბოლოოდ, თუ გავიხსენებთ, რომ მთავრობის განკარგულებით რიყის დოქების მესაკუთრეს უფლება აქვს ეს შენობა დაშალოს და გაყიდოს, გამოდის რომ 90-იანი წლების საუკეთესო სტილში ,,ვიღაცამ” ქალაქის შუაგულში, რიყის პარკში 14,591 კვ.მ მიწის ნაკვეთი ფაქტობრივად უფასოდ (!!!) ,,დაითრია”. ,,ვიღაცამ” კი შუამავლობაში 2,840,000 აშშ დოლარი მიიღო.”