რეზუს უარყოფითი სისხლის მქონე ადამიანები კორონავირუსით ნაკლებად ინფიცირდებიან – ახალი კვლევა

„როიტერსი“ კორონავირუსის შესახებ ახალ კვლევას აქვეყნებს და აკონკრეტებს სისხლის ჯგუფს, რომელშიც კორონავირუსით ინფიცირების რისკი დაბალია. 

აღმოჩნდა, რომ პირველი და ნებისმიერი ჯგუფის რეზუს უარყოფითი სისხლის მქონე ადამიანები Covid 19-ით ინფიცირების დაბალი რისკის ჯგუფს წარმოადგენენ.

კანადაში 225 556 იფიცირებულს შორის პირველი და რეზუს უარყოფითი სისხლის ჯგუფის მქონეებში, მე-2, მე-3 და მე-4-ისგან განსხვავებით, 12%-ით დაბალია რისკი, რომ მათ Covid 19 გაურთულდეთ და 13%-ით ნაკლებია გარდაცვალების რისკი.

აგრეთვე, კვლევის თანახმად, კორონავირუსით ინფიცირებისგან დაცულები არიან პირველი ჯგუფის რეზუსს უარყოფითი სისხლის მქონე ადამიანები.

როგორც კვლევის ავტორმა, წმინდა მაიკლის კლინიკის ექიმმა ჯოელ რეიმ, როიტერს განუცხადა, პირველი ჯგუფის სისხლისა და უარყოფითი რეზუსის მქონე პირები, შესაძლოა, რაიმე სახის ანტისხეულს გამოიმუშავებენ, რომელიც ახალ ვირუსს ცნობენ.

მეცნიერის თქმით, შემდეგი ეტაპია იპოვონ ეს ანტისხეული და გამოიკვლიონ, როგორ მუშაობს ის.