“სტრატეგია აღმაშენებლის” ინფორმაციით, მათი პარტიის და პარტიის ლიდერის, გიორგი ვაშაძის ინიციატივით, ევროკავშირის მსხვილმა ფრაქცია ალდემ ახალი რეზოლუცია მიიღო, რომელშიც საუბარი შეეხება საქართველოს, უკრაინისა და მოლდოვის ევროკავშირში დაჩქარებული წესით გაწევრიანებას.
“დღეს რამდენიმე საათის წინ შედგა ალდეს ლიდერების სამიტი. მიღებული იქნა მაღალი დონის რეზოლუცია და პირველად, ასეთი დონის დოკუმენტში გაჩნდა ჩანაწერი უკრაინასთან ერთად საქართველოსა და მოლდოვას ევროკავშირში დაჩქარებული წევრობის შესახებ”,- თქვა სერგო ჩიხლაძემ გამართულ ბრიფინგზე.
დეპუტატების ინფორმაციით, ოფიციალური დოკუმენტი ცოტა ხანში გამოქვეყნდება.
გიორგი ვაშაძე კი სოციალურ ქსელში წერს:
“პირველი გამარჯვება, ალდეს დოკუმენტში ჩავაწერინეთ უკრაინასთან ერთად საქართველოს და მოლდოვას ევროკავშირში დაჩქარებული წესით გაწერვიანების საკითხიც’
კომენტარები