რეზო კიკნაძის პასუხი UFC-ის ქართველ ჩემპიონ მერაბ დვალიშვილის – პროევროპულ აქციებზე დაკავებული ახალგაზრდა აქტივისტი, რომელიც ქართველი მებრძოლის დიდი გულშემატკივარია, ჩემპიონს დეტალურად უხსნის, თუ რატომ ისჯებიან ის და მისი თანამებრძოლები.
“ციხეში ვართ იმიტომ, რომ გვსურდა ევროპული მომავალი და არ გვინდა, რუსეთისკენ მივდიოდეთ“,– ამბობს კიკნაძე.
მერაბ დვალიშვილს სინდისის პატიმრები უხსენეს და რაღაც ვერ მიხვდა, ახლა მოკლედ ავუხსნი, რატომ ვართ აქ. ჩვენ დაგვიჭირეს აქციაზე, ევროპულ მომავალს ვითხოვდით, კობახიძემ თქვა, რომ სანამ “ოცნება“ იქნება ხელისუფლებაში, ჩვენ ევროპასთან კავშირი და მოლაპარაკება არ გვექნებაო. ჩვენ გვინდა, რომ ჩვენი ქვეყნის მეგობარი იყოს ევროპა და ამერიკა, ის ამერიკა, რომელიც შენ ძალიან გიყვარს. არ გვინდა, რომ რუსეთისკენ მივდიოდეთ და აი, ამის გამო ვართ აქ და ამის გამო გვისჯიან 5,6 და 7 წლებს. და ბოლოს, ვიტყოდი, რომ ჩვენს მხარეს, სამწუხაროდ, მხოლოდ სიმართლეა,- განაცხადა სასამართლო პროცესზე სინდისის პატიმარმა.
12 ივნისს, მერაბ დვალიშვილმა მედიის კითხვებს უპასუხა, რა დროსაც “პირველებმა“ ჰკითხა, რა ჰქონდა სათქმელი სინდისის პატიმრისთვის, რეზო კიკნაძისთვის, რომელიც პროცესზე მისი მაისურით დადის და მივიდოდა თუ არა მის სანახავად სასამართლოს პროცესზე. დვალიშვილმა მხოლოდ ის თქვა, რომ ყველა პატიმარს წარმატებას უსურვებს და აღნიშნა, რომ პროცესზე მისასველი დრო არ აქვს.
თბილისის საქალაქო სასამართლოში სინდისის 11 პატიმრის საქმის განხილვა მიმდინარეობს.
კომენტარები