“რევოლუციის მოწყობა გინდოდათ? – ეს არ დაიშვება! ძალიან წესიერი ადამიანები ვართ, ოჯახში გაზრდილი…” – მიხეილ ყაველაშვილი

უმრავლესობის წევრმა მიხეილ ყაველაშვილმა ოპოზიციონერ დეპუტატებს ხათუნა სამნიძესა და ხატია დეკანოიძეს ბიუროს სხდომაზე, მიმართა:

„საზოგადოება ყველაფერს უყურებს, ვერავინ დაიჯერებს შალვა პაპუაშვილის ძალადობას. ეს არის ღირსეული ადამიანი, ღირსეული კაცი. ჟურნალისტები ვერ გამოიყენეს, ახლა უნდათ ქალთა უფლებების დამცველებით რაღაც თემა ააგორონ და არ გამოვა ეს ყველაფერი. არავის აქვს სურვილი და არც მქონია მუშტი-კრივში ჩავერთოთ. ბიჭებთან და კაცებთან რა დღეში ვართ ნახეთ?

როგორ გგონიათ, ჩვენ რომ წყნარად დავმჯდარიყავით, რას გააკეთებდით თქვენ?

რევოლუციის მოწყობა გინდოდათ? – ეს არ დაიშვება! არ მოხდება! ძალიან წესიერი ადამიანები ვართ, ოჯახში გაზრდილი და ნუ გვასწავლით იმას, რაც ბავშვებმაც კარგად იციან – ურთიერთპატივისცემა ძალიან კარგად ვიცით. საზოგადოება ყველაფერს ძალიან კარგად ხედავს. გელოდებით არჩევნებზე!“- მიმართა ყაველაშვილმა ოპოზიციონერ დეპუტატებს.