პოლიტიკოსი, ნინო ბურჯანაძე, ტვ პირველთან საუბრობს მომავალ არჩევნებზე, 5 პროცენტიან ბარიერზე და ამბობს, რომ ოპოზიციური პარტიების უმრავლესობას, გაერთიანების გარეშე გაუჭირდება ამ ბარიერის გადალახვა. ჟურნალისტის კომენტარს, რომ გიორგი გახარიას პარტია, შეძლებს გადალახოს ბარიერი, ბოლო კვლევების მიხედვით, ნინო ბურჯანაძე ასე პასუხობს:
ეს დამოკიდებული იქნება იმაზე, რა ხასიათზე იქნება ქართული ოცნება. ბატონ გახარიას რომ ჰქონდეს 10–15 პროცენტი, მაშინ 4 პროცენტს ვერ დაუწერდნენ, მაგრამ როცა გაქვს 6–7 პროცენტი, ძალიან მარტივად შეიძლება დაუწერო 4,85 პროცენტი, როგორც ჩვენ დაგვიწერეს 2016 წელს. ძალიან მარტივია. ეს (ბარიერი) შეიძლება იყოს ბიძგი იმისა, რომ რაღაც ნაწილი ოპოზიციური პარტიებისა გაერთიანდეს, რომელიც რადიკალურად განწყობილ ოპოზიციასა და ქართულ ოცნებას შორის იქნება და ქართულ ოცნებას მანევრირების მეტი საშუალება ექნება. ჩემთვის საინტერესო იქნება მხოლოდ ის პროცესი, რომელშიც მე დავინახავ რეალურ სურვილს ოპოზიციისა, შეიცვალოს ქვეყანაში რეალობა.
ნინო ბურჯანაძემ იქვე განაცხადა, რომ შესაძლოა, ოპოზიციას კი აქვს რეალობის შეცვლის სურვილი, მაგრამ მისი ქმედებები შესაბამისი არ არის:
არ მოქმედებენ ისე,რომ ეს სურვილი რეალობად იქცეს. რჩევები დიდად არ უყვართ პოლიტიკაში, მაგრამ ჩემი გულრწფელი რჩევაა, თუ ოპოზიციას რეალურად გვინდა პოლიტიკის ცვლილება ქვეყანაში, მაშინ ოპოზიცია უნდა იქცეოდეს სხვაგვარად, დღეს როგორც ოპოზიცია იქცევა, ნებსით თუ უნებლიუედ, ეს არის მხოლოდ და მხოლოდ იქეთ მიმავალი გზა, რასაც ქვია პოლიტიკაში დარჩენა, პარლამენტში ბარიერის გადალახვის გზა.
კომენტარები