„რაც მაქვს მშობლებისგან, ბებიისგან და ბაბუისგან მაქვს დატოვებული. ჩემით პრაქტიკულად არაფერი შემიძენია“ – ამის შესახებ მიხეილ სააკაშვილის დედამ, გიული ალასანიამ თბილისის საქალაქო სასამართლოდან გამოსვლის შემდეგ ჟურნალისტებს განუცხადა.
„მაჩვენეთ დოკუმენტაცია, თქვენზე უკეთ არ ვიცი, რას ვფლობ და ჩემმა ახლობლებმა, ვინც მიცნობს? ერთი ბინაა, რომელიც ჩემი ბებიის და ბაბუისგან არის პეკინის ქუჩაზე. ბათუმშია დაყადაღებული ერთი ბინა, დანარჩენი, რაც მაქვს მშობლებისგან, ბებიისგან და ბაბუისგან მაქვს დატოვებული. ჩემით პრაქტიკულად არაფერი შემიძენია“, – განაცხადა გიული ალასანიამ.
ცნობისთვის, თბილისის საქალაქო სასამართლოში მიხეილ სააკაშვილის პროცესი საბიუჯეტო თანხების გაფლანგვის საქმეზე მიმდინარეობს.
კომენტარები