“რატომ უნდა აპატიოს ქრისტემ ეკლესიის გახრწნა, წაბილწვა, საკუთარი თავის კერპად ქცევა, მე ვერ ვიგებ” – ილია ჭიღლაძე

დეკანოზი, ილია ჭიღლაძე, სოციალურ ქსელში, წერს:

სული მეტკინა ილია მეორის, უფრო სწორედ ირაკლი შიოლაშვილის გარდაცვალების გამო, რადგან ის ხომ ჩემი ძველი დიდი სიყვარული და ნამდვილი კერპი იყო, მას უკავშირდება ჩემი სასულიერო პირობაც და დეკანოზად კურთხევაც, რწმენისა და ეკლესიის მიმართ მონური დამოკიდებულება. რაღაცნაირად მტკივა გული და არანაირ სიხარულს მისი სიკვდილით არ განვიცდი, თუმცა სულელებს ასე ჰგონიათ.

მე უბრალოდ მინდა იცოდეთ მარტივი სიმართლე: საქართველოს და ქართველი ერის დღევანდელი უსაზიზღესი მდგომარეობა მთლიანად მის კისერზეა, როგორც საქართველოს სულიერი მამისა და წინამძღვრისა 1977 წლიდან მოყოლებული. მისი ლოცვა-კურთხევით მოხდა სამოქალაქო ომი და პუტჩი (სამხედრო სისხლიანი გადატრიალება) გამსახურდიას დამხობა და მკვლელობა. აქ სხვა დეტალებს აღარ ჩამოვთვლი, ბევრჯერ დავწერე ფაქტებით, თუმცა დებილები მაინც ვერ იგებენ. უბრალოდ, მას ჰქონდა ჰიპნოზის და ზემოქმედების ძლიერი უნარები, რითაც ადამიანების ემოციებზე და აზრებზე სათავისოდ კარგად მოქმედებდა, ამიტომაც ბევრი ვერ გამოდის მის მიერ მონუსხული და მოხიბლული. ასევე მასში ყვარყვარე თუთაბერის, არქიფო სეთურის და ბიკი ყუფარიას უნარები იყო გაერთიანებული. ამიტომაც ბღავის დღესაც ბიდლო: რა გვეშველება უიმისოდ, ეპოქა დასრულდა, მის გარეშე საქართველო განადგურდებოდა და ა.შ.. მაგრამ ფაქტია, რომ არც ბოლო პატრიარქია და არც მეორედ მოსვლა მოხდა მის დროს, როგორც ქადაგებდნენ ფანატიკოსი ბრადმორწმუნენი და რა აზრების გავრცელებასაც თავადვე უწყობდა ხელს ძალიან ძლიერად.