რატომ გაიწვია სინამდვილეში ელჩი ზელენსკიმ? – “საქმე სანქციებში არაა” – დავით ბაქრაძე

პოლიტიკოსი, დავით ბაქრაძე, “მთავარ არხთან” ამბობს:

“დღეს ყველა ჩვენი მეგობარი გაერთიანდა ჩვენი მტრის წინააღმდეგ. კითხვის ნიშანი არ უნდა ჩნდებოდეს, სად უნდა ვიყოთ დღეს.

დღეს გვაქვს ისტორიის ღირსეული ფურცელი, ამწუთში ევროპარლამენტის დეპუტატები ფეხზე ამდგარი ეგებებიან უკრაინის ლიდერს და არის უღირსი გვერდი, პუტინი და ბელორუსი და სამწუხაროდ, საქართველო, რომელიც სწრაფი ნაბიჯებით მიექანება ამ უღირსი გვერდისკენ.

მსოფლიო წესრიგი, რომელიც დღეს ჩამოყალიბდება, ვინ იქნება ევროკავშირში და ვინ რუსეთ-ბელორუსთან, შეიძლება გაგრძელეს 50 წელიც, არავინ იცის, შემდეგი შანსი როდის მოგვეცემა.

ამიტომაა გადამწყვეტი, სად დადგება დღეს საქართველო.

გულწრფელად, უმძიმესი გადაწყვეტილება იყო, იმდენად მძიმე, რომ ვისურვებდი ზელენსკის ეს გადაწყვტილება არ მიეღო. არამხოლოდ თავმოყვარეობისთვისაა მძიმე, პოლიტიკურადაც – დღეს გერმანია, ბელგია, ნიდერლანდები ყველა უკრაინას უჭერს მხარს, ამ დროს უკრაინის, ზელენსკის მხრიდან გაგზავნილი სიგნალი… დღეს ზელენსკი გმირია, როდესაც თავისუფლებისთვის მებრძოლი ადამიანი, გმირი ამბობს, რომ საქართველოს ამორალური პოზიცია აქვს, ეს დაარტყამს ჩვენ ევრომომავალს. ქართული ოცნება ცდილობს მოსახლეობა დააშინოს რუსული ნარატივით და უთხრას მათ, რომ აი, თუ რამე გავაკეთეთ, იქნება ომი. ომზე არ არის საუბარი, საუბარია იმაზე, სად ვიქნებით?

ის, რაც მოვისმინეთ არგუმენტებად, სხვა ქვეყნებმაც არ მიიღეს სანქციები და იმათგან რატომ არ გაიწვიეს ელჩი? იცით რატომ არ გაიწვიეს? აი, ის არის პრაგმატული პოლიტიკა, მოლდოვას, რომ ომის ეშინია, ამიტომ სანქციებს არ მიუერთდა, მაგრამ ისე ილაპარაკა და ისე იქცევა, ზელენსკი მადლობას უხდის. აზერბიჯანმა რუსეთთან სამხედრო ხელშეკრულება გააფორმა ომის დაწყების წინ, ოღონდ ამის შემდეგ, ისეთი კომუნიკაცია ქონდა ალიევს ზელენესკისთან, რომ ზელენსკიმ მადლობა უთხრა. ალიევი უკრაინას საწვავით და ჰუმანიტარულად ეხმარება. მარტო ჩვენ მოვახერხეთ რომ ყირგიზეთთან ერთად ჩვენგან გაიწვიეს ელჩი. იმიტომ კი არა, რომ სანქციებს არ მივუერთდით, არავინ ელოდება ჩვენგან ომში ჩართვას, რად უნდა დასავლეთს დღეს საქართელოში ომი? ადამიანურ თანაგრძნობას ელოდებიან და ამის მაგივრად გამოდის საქართველოს პრემიერი და ამბობს, რომ სანქციები არ მუშაობს და უკრაინა დღეს მარტოა, უკრაინა დღეს ომშია და ომში მყოფ ქვეყანას ეუბნები, რომ არავინ გეხმარება, მარტო ხარ და სანქციები არ მუშაობს?

ლაპარაკი იმაზე კი არაა, სანქციებს მიუერთდი თუ არა, ბევრი ქვეყანა არ მიუერთდა, მაგრამ ელჩი აქედან გაიწვიეს. არ მიერთებას გააჩნია, რას ამბობ, გააჩნია.

მოვისმინე კიდევ, ომში უნდა ჩვენი ჩათრევაო, ზელენსკის უნდა ჩვენი ომში ჩათრევა? ვიღაცეებს უნდათო და ეს ვიღაცეები ვინ არიან? ვინ არიან ეს ვიღაცეები? რასაც ვისმენ რუსული არხებისგან, იმას გულისხმობენ? აბსურდში არიან. სანქციებში კი არ არის საქმე, რაღაც სანქციებზე მეც თავს შევიკავებდი, ფრთხილად უნდა ვიყოთ. სიფრთხილე ერთია და ამორალური პოზიცია მეორე. სანქციების გამო კი არ მოხდა, იმის გამო, რასაც ლაპარაკობს საქრთველოს ხელისუფლება, რასაც ასხივებს, პირდაპირი რუსული ნარატივის გამო.”