ტვ. პირველის ინფორმაციით, სამხედროებს, ვინც უკრაინაში რუსეთს ებრძოდა, საქართველოს შეიარაღებულ ძალებში აღარ აბრუნებენ – 25 წლის გამოცდილი მსროლელი ამბობს, რომ ჯარში კარი სამუდამოდ ჩაუკეტეს. უკრაინიდან ჩამოსული პროფესიონალი სნაიპერი “შაბათის ეთერს” ეუბნება, რომ მიზეზი უკრაინაში რუსეთის წინააღმდეგ ომში მონაწილეობაა:
“საბრძოლველად ვიყავი უკრაინაში, 4 თვე ვიბრძოლე. დაბრუნება მინდოდა ჯარში და მითხრეს უარი. მიზეზს არ მეუბნებიან, დახასიათება გამიფუჭეს. რეალურად უკრაინაში რომ ვიბრძოლე მაგიტომ აღარ მაბრუნებენ. მეთაურს როდესაც დავურეკე, მითხრა წითელი ხაზი გაქვს გადასმული უკრაინაში რომ იბრძოდი მაგიტომო… რუსეთს ვინც ებრძოდა არ უნდათ იმათი დაბრუნება საერთოდ, ჩემთან ერთად ვინც დაწერა დაბრუნებაზე განცხადება, ყველას უარი უთხრეს”- აცხადებს მებრძოლი.
“შაბათის ეთერის” ინფორმაციით, ათამდე ქართველ სამხედროს რომლებიც, უკრაინაში იბრძოდნენ, შეიარაღებულ ძალებში ოფიცრულად უარის მიზეზად უთხრეს, რომ ვერ გაიარეს შესაბამისი პროცედურები. ქართველი მებრძოლები აცხადებენ, რომ პირად საუბრებში არ დაუმალეს, რომ უკრაინაში ბრძოლის გამო გააწითლეს.
მედიის ცნობით, ერთ-ერთ გამოცდილ ჯარისკაცმა დიდი სტაჟით ,რომელსაც უკრაინაში წასვლამდე პრემიერ მინისტრის ჯილდოც კი აქვს მიღებული, ახლა კომპეტენციას უწუნებენ. ჯარისკაცები სასამართლოში ჩივილს აპირებენ.
კომენტარები