თბილისის საქალაქო სასამართლოში 8 სამოქალაქო აქტივისტის პროცესი მიმდინარეობს. ისინი პოლიციამ შინაგან საქმეთა სამინისტროსთან, აქტივისტ გიორგი მუმლაძის მხარდამჭერს აქციაზე წვრილმანი ხულიგნობისა და პოლიციისადმი დაუმორჩილებლობის ბრალდებით დააკავა.
ცოტა ხნის წინ მოსამართლემ ოთხი მათგანის საქმის განხილვა გადადო.
სხდომაზე მოწმის სტატუსით იყვნენ ის პოლიციელები, რომლებიც უშუალოდ დაკავებაში მონაწილეობდნენ. ერთ-ერთმა მათგანმა განაცხადა, რომ სხდომაზე მტკიცებულებები იმის გამო ვერ მიიტანეს, რომ “მთავარი არხის” სერვერმა დააბრკოლათ.
მთავარი არხის განცხადებით, 14 აპრილს განვითარებული პროცესების გარშემო არანაირი წერილი “მთავარი არხის” სახელზე, მით უფრო შინაგან საქმეთა სამინისტროდან არ მიუღიათ.
ნიკუშა ფარულავა, სოციალურ ქსელში, წერს:
“ჩემი “დამკავებელი” ამბობს-მტკიცებულებები ვერ ჩავწერეთ, ინტერნეტში დევს, “მთავარი არხის” არის და სერვერმა არ მიგვიშვაო.
მთავარი არხი • Mtavari Arkhi თქვენს სერვერს დაუმორჩილებლობის ბრალდებით დააკავებენ”
კომენტარები