სამოქალაქო აქტივისტი, გიგა მაქარაშვილი მოქალაქეების ერთ-ერთ ლიდერს, ლევან იოსელიანის მიერ პარლამენტში გაჟღერებულ ინიციატივას აკრიტიკებს და ელისაშვილის თანაპარტიელს სახელისუფლებო თამაშში ღიად ადანაშაულებს:
“ლევან იოსელიანმა წამოყო თავი პარლამენტის დარბაზში და 12 საათიანი წინასწარი დაკავება (ადმინისტრაციული სამართალდარღვევის შემთხვევაში), ჯერ 24 საათამდე გაიზარდოს და თუ მერე შსს/პროკურატურას მტკიცებულებებისთვის დაჭირდა მეტი დრო, კიდევ 24 საათით გახანგრძლივდესო.
ამით ,,ოცნების” 48 საათიან ინიციატივას შეეწინააღმდეგა ვითომ.
ჰო და, ჩემო ლევან, ყველა დაკავებისას, 12 საათს გადაცილებული ყოველი წუთის გასვლისას, რასაც დაკავებულები, მათი ოჯახის წევრები, მეგობრები, თანამებრძოლები შენზე იფიქრებენ, ერთი არ აგცდეს!
სამარცხვინო კაცი ყოფილხარ”
საქმე ეხება ადმინისტრაციულ სამართალდარღვევათა კოდექსში შესატან ცვლილებებს – კანონპროექტის თანახმად, წვრილმანი ხულიგნობისა და სამართალდამცველის მოთხოვნისადმი დაუმორჩილებლობისთვის სანქციები იზრდება. ამასთან ცვლილება ეხება 12-საათიან პატიმრობასაც და მისი 48 საათამდე გაზრდა სურს ხელისუფლებას.
კომენტარები