,, რას უნდა ვაკეთებდეთ ჩვენ ამ სიტუაციაში?” – ირინა სარიშვილი

ირინა სარიშვილი სოციალურ ქსელში წერს:

,,ალეკო ელისაშვილს ტერორიზმის მუხლი წაუყენეს 10-დან 15 წლამდე.
არა აქვს მნიშვნელობა არანაირ ვერსიებზე მსჯელობას. მართლა გააკეთა თან საკუთარი ნებით მან ეს თუ უმძიმესი გარემოება აიძულებს ეს ქმედება აღიაროს, დღეიდან უკვე მნიშვნელობა აქვს იმას თუ რას ამბობს ელისაშვილი. იგი აღიარებს ქმედებას მაგრამ არ ცნობს თავს დამნაშავედ, რადგან ეს ქმედება მისი მხრიდან არის პროტესტი უსამართლო მართლმსაჯულების წინააღმდეგ. ეს გახლავთ პოლიტიკური განცხადება და როგორც არ უნდა გძულდეს ალეკო ელისაშვილი, შეუძლებელია მას არ დაეთანხმო თუ ოპოზიციაში ხარ.

რას უნდა ვაკეთებდეთ ჩვენ ამ სიტუაციაში?

ჩვენ რომ გვესმოდეს სოლიდარობის არსი, რომელიც არ ეყრდნობა პიროვნულ სიმპათია-ანტიპათიას;

ჩვენ რომ სწორად ვალაგებდეთ პრიორიტეტებს;

და რაც ყველაზე მთავარია – ჩვენ რომ ბოლომდე სრული სიცხადით ვაცნობიერებდეთ რა გველოდება და რომ დრო ჩვენს საწინააღმდეგოდ მუშაობს –

ჩვენ – არა თითო-ოროლა, არამედ ათეულ და ასეულ ათასობით უნდა ვიღებდეთ ხელში სიმბოლურად “ნავთით სავსე ბოთლებს” და აი ასეთი პერფორმანსით მივდიოდეთ სასამართლოსთან ერთადერთი ლოზუნგით:
ცეცხლი ოლიგარქიას! და ამით დაიწყებოდა ამ რეჟიმის უსწრაფესი დასასრული.
მაგრამ ამას შემდგარი, შედეგზე ორიენტირებული საზოგადოება ჭირდება.

სოლიდარობა ყველა უკანონო პატიმარს!“