ანიტას ბებია, თამუნა გლუჯიძე, სოციალურ ქსელში წერს:
” ახლახანს მომხდარი ტრაგედიის გამო, ავარიის შედეგად ჯერ ქმარი და სამი შვილი რომ გარდაიცვალა და უკვე მოგვიანებით ცოლი, ბევრი ალალად გულდათუთქული და შეძრწუნებული წერდა რაღა აზრი აქვს აწი იმ ქალის სიცოცხლესო. ცოდვა გამხელილი სჯობს და მეც იგივე გამეფიქრა. უბრალოდ ამხელა სიმწარის და ტკივილის ტარებისთვის დაგვენანა ყველას ის ახალგაზრდა ქალი, ამიტომაც ვთქვით და გავიფიქრეთ ასე. მაგრამ ახლა რატომღაც მომინდა მეთქვა ერთი რამ – ამით იქნებ როგორ ვატკინეთ გული და განვუახლეთ ოდნავ და თითქოს მიძინებული ჭრილობა იმ უამრავ მშობელს, რომლებიც აგრძელებენ ცხოვრებას. რაღაცნაირად დამნაშავედ ვაგრძნობინეთ თითქოს მათ თავი.
ალბათ ამიტომაა, რომ ტრაგედიას დუმილი უხდება ყველაზე მეტად და სიტყვით და საქმით (შეძლებისდაგვარად) გამოხატვა, რომ იზიარებ.
სხვათა შორის, ბედნიერებასაც დუმილი უხდება. რატომღაც.
ბედნიერებას გისურვებთ ყველას და საკუთარ თავსაც ?
კომენტარები