გორის სამხედრო ჰოსპიტალში მიხეილ სააკაშვილის მკურნალი ექიმი ნინო გოგორიშვილი “მაგნიტსკის სიის” ქართულ ანალოგში შესაძლო შესვლასთან დაკავშირებით, ინფორმაციას ეხმაურება და ამბობს:
“პირველ რიგში მიხეილ სააკაშვილის ადვოკატს ბრალდებებზე მინდა ვთქვა, რომ მიხეილ სააკაშვილის მკურნალობა 2021 წელს სამხედრო ჰოსპიტალში ამ ბრალდებებთან დაკავშირებით, სრულიად საფუძველს მოკლებულია ეს ბრალდებები. მიხეილ სააკაშვილის მკურნალობა იმ პერიოდში მიმდინარეობდა სახლემწოფო კონსილიუმთან შეთანხმებით. ასევე, ყველა ინფორმაცია მის მკურნალობასთან დაკავშირებით, ცნობილი იყო და გადაცემული იყო ცენტრ “ემპათიას” როგორც თავმჯდომარეს, ასევე, წევრებს. ასევე, სახალხო დამცველის პაარატთან არსებულ სამედიცინო კომისიას. მიხეილ სააკაშვილის მკურნალობა, სამედიცინო დოკუმენტაციის წარმოება, მისი გაწერა, წარმოებდა საქართველოს კანონმდებლობის სრული დაცვით. გარდა ამისა, რაღაც გაუგებარ სიაში ექიმების შეყვანა, რაც თქვენ ახსენეთ, მე ვთვლი რომ არის საქართველოს ექიმების დისკრედიტაციის მცდელობა. ფორმა 100-ც არსებობს, რომელიც არის სამედიცინო დოკუმენტაცია, უზარმაზარი, რომელიც დევს საქმეში…”
ცნობისთვის, ცოტა ხნის წინ შალვა ხაჭაპურიძემ თქვა, რომ “მაგნიტსკის სიის” ქართული ანალოგის არსებულ ვარიანტში შედის ნინო გოგორიშვილი, რომელიც გორის სამხედრო ჰოსპიტალში მიხეილ სააკაშვილის მკურნალი ექიმი იყო. უფლებადამცველის თქმით, მათი მტკიცებულებების მიხედვით, ნინო გოგორიშვილმა, “ფორმა 100-ის” გარეშე გამოწერა და დამალა გარკვეული სამედიცინო დოკუმენტაცია.
კომენტარები