რემონტის დასრულების შემდეგ მიღწეული შედეგებით ტკბობას თან ახლავს ნაკლებად სასიამოვნო პროცესიც – რემონტის შემდგომი დასუფთავება. რემონტის შემდეგ დასუფთავება განსაკუთებით დამღლელი პროცესია, რადგან მცირე ზომის ფართიც კი დიდ ძალისხმევას და დიდი რაოდენობით ინვენტარს მოითხოვს.
საცხოვრებელი სახლის თუ კომერციული დაწესებულებების დასუფთავება არა მხოლოდ წესრიგისა და კომფორტის შესანარჩუნებლად, არამედ ბაქტერიებისა და მიკრობებისგან თავდასაცავადაც აუცილებელია. სპეციალური ქიმიური საშუალებები ეფექტურად უმკლავდება მღრღნელებსა და მავნებლებს ინდუსტრიულ ფართებშიც, რაც ნებისმიერი საქმიანობის, უსაფრთხოების სტანდარტების დაცვით, წარმართვაში გეხმარებათ.
დასუფთავების სამსახური საკუთარი აღჭურვილობით თანმიმდევრულად და სისტემურად მიუდგება დაკისრებულ მოვალეობას, რომელიც მოიცავს დეზიფექციას, მინა-ვიტრინების წმენდას, ხალიჩების რეცხვას, ფარდების დარეცხვა/დაუთოებას და რბილი ავეჯის ქიმწმენდასაც კი.
აი, რას მოიცავს ეს პროცესი:
- სამშენებლო მტვრის აღება ჭერიდან, კედლებიდან და იატაკიდან
- ცემენტის, გაჯისა და საღებავების ლაქების გაწმენდა
- სტიკერების მოცილება ფანჯრებსა და ავეჯზე
- სადარბაზოს დალაგება
- მყარი და რბილი იატაკის დასუფთავება
- წვრილი სამშენებლო ნარჩენების გატანა და ა.შ.
დალაგების დაწყებამდე გადამწყვეტი მნიშვნელობა აქვს საჭირო მასალების მომარაგებას. ცხადია, რომ ყველა ასპექტი დაკავშირებულია ხარჯებთან. კარგი იქნება, თუ ყურადღებით შეარჩევთ შესაფერის აღჭურვილობას. თუ ფიქრობთ, რომ ამ ყველაფერს მარტო ვერ გაუმკლავდებით, შეგიძლიათ, რემონტის შემდგომი დასუფთავების სერვისით ისარგებლოთ, რომელსაც გამოცდილი პროფესიონალები გაუძღვებიან. ამ გზით დაზოგავთ დროს, ენერგიას და თანხებსაც კი.
დალაგების სწორი თანმიმდევრობა
თავდაპირველად, გაასუფთავეთ ჭერი, ჭაღი და სანათი, რომ მათი გაწმენდა ხელმეორედ აღარ დაგჭირდეთ. შემდეგ კი კედლებსა და იატაკზე გადადით. გარდა ამისა, ავეჯის ინტერიერის გაწმენდისას აუცილებელია ხალიჩების გაწმენდაც.
გაუფრთხილდით ძვირფას ნივთებს
კარგი იქნება, თუ რემონტის დაწყებამდე წინასწარ გაითვალისწინებთ რიგ საკითხებს. მაგალითად, თუ სახლში ძვირფასი ნივთები გაქვთ ან ისეთი საგნები, რომლებიც მარტივად დაზიანდება, სპეციალური გადასაფარებლები მოიმარაგეთ. ამ გზით, ინვენტარს მტვრისა და ლაქებისგან დაიცავთ და რემონტის შემდგომი დასუფთავებაც მნიშვნელოვნად შეგიმსუბუქდებათ.
ფანჯრებისა და ავეჯის გაწმენდა
ისევ და ისევ ინვენტარის დაზიანების თავიდან ასაცილებლად, ახალი ფანჯრებისთვის სტიკერების მოშორებისას სიფრთხილის გამოჩენას გირჩევთ. ამაში კი ფრთხილად შერჩეული საწმენდი და სარეცხი საშუალებები დაგეხმარებათ. თუ საქმეს არაპროფესიონალურად მიუდგებით, დარწმუნებული იყავით, რომ დროითი და ფინანსური დანახარჯები გაგეზრდებათ.
რემონტის შემდგომი კაპიტალური დასუფთავების შემდეგ მსუბუქი დალაგება საკმარისი იქნება სახლსა თუ კომერციულ ფართში წესრიგისა და სისუფთავის შესანარჩუნებლად.
შეჯამება
როგორც ვნახეთ, რემონტის შემდგომი დალაგება კომპლექსური და ფიზიკურად შრომატევადი საქმიანობაა. თუ მზად ხართ, მთელი დრო და ენერგია ამ პროცესს მიუძღვნათ, თითოეული ნაბიჯი სწორად გათვალეთ და ყველა საჭირო მასალა თუ ხელსაწყო მოიმარაგეთ. ხოლო თუ გგონიათ, რომ ამ პროცესს მარტო ვერ გაუმკლავდებით, ყოველთვის შეგიძლიათ დახმარება საქმის პროფესიონალებს სთხოვოთ. კაპიტალურად დასუფთავებული სივრცის ასეთივე სახით შენარჩუნებაზე კი თავად იზრუნოთ.
კომენტარები