დაავადებათა კონტროლის ეროვნული ცენტრის დირექტორმა, ამირან გამყრელიძემ ბრიფინგზე განაცხადა.
„კოვიდპასპორტი ზოგიერთმა ქვეყანამ დაადგინა, ზოგიერთმა – არა. უნიფიცირებული მიდგომა ამაზე ჯანმოს ან NCDC-ის რეკომენდაციებით არ ყოფილა. ქვეყნების გადასაწყვეტია, ისინი კოვიდპასპორტს დაადგენენ თუ არა ქვეყანაში შემომსვლელებზე.
რაც შეეხება იმას, არის თუ არა რისკი შეზღუდვების მოხსნაზე, რა თქმა უნდა, რაც ჩვენ ვამსუბუქებთ რეგულაციებს, გარკვეული რისკი ყოველთვის მატულობს. ამაზე ჩემი პასუხი გახლავთ ის, რომ კოვიდი არ დამთავრდება დღეს, ხვალ, ზეგ არც ამ წლის ბოლოს, ამიტომ ჩაკეტილი სიტემები, ჩაკეტილი ქვეყნები ვერ ვიქნებით. თანდათან ეს შემსუბუქებები მოიხსნა და ეკონომიკის ყველა სფერო ქვეყანაში ამუშავდა. რა თქა უნდა, ყველა შემსუბუქებას გარკვეული რისკი მოჰყვება ამიტომაც სისტემა მზად უნდა იყოს და მზად არის, რომ ეს რისკები მაქსიმალურად გავანეიტრალოთ. ანუ ბალანსი დავამყაროთ ეკონომიკის გახსნასთან, თავისუფლებასთან და ინფექციასთან“
როცა ხალხი ამბობდა – სულ ჩაკეტილი ვერ ვიქნებითო, ამირან გამყრელიძე პასუხობდა, ჯერ საზღვრებს ვერ გავხსნითო, ხომ ხედავთ სხვა ქვეყნებში რა ხდებაო. ეკონომიკას ჯანმრთელობა გვირჩევნიაო.
როცა ხალხი ამბობდა, ყველა სხვა ქვეყანამ გახსნა საზღვარიო – გამყრელიძე ამბობდა, ჩვენ საზღვრებს ვერ გავხსნით, რადგან კონტროლი გაჭირდებაო…
როცა ხალხი ეუბნებოდა, ბალანსი დავიცვათ, ვაკონტროლოთ და ისე გავხსნათ საზღვრებიო, გამყრელიძე პასუხობდა, ვიცით, რომ თავისუფლება გინდათ, მაგრამ ვერა – საფრთხეა მოსალოდნელიო…
წლის ბოლომდე ქორწილი მხოლოდ 10 კაციანიო, გვითხრეს…
ხოდა, ახლა უკონტროლოდ გახსნეს საზღვრები, მხოლოდ სიცხის გაზომვა იქნება საკმარისი…
არც კოვიდ პასპორტი, არც ტესტი, არც კარანტინი, მხოლოდ სიცხის გაზომვა…
საქართველოს მოქალაქეებისთვის კი 14 დღიანი კარანტინია…
ალია
კომენტარები