ნიკა ავალიანის საქმის ერთ-ერთი ფიგურანტის, არასრულწლოვანი ნია იმნაძის დაკავებას ეხმაურება ფილოსოფოსი ლევან ღამბაშიძე:
,,სანამ ივანიშვილის რეჟიმი გვაზის თავზე, ამ ქვეყანაში სამართალი მხოლოდ იმ დოზით არის სამართალი, რამდენადაც ეს რეჟიმს აწყობს. ნებისმიერი განაჩენი გადის პოლიტიკურ ფილტრს: რას მოუტანს ის პარტიას? რამდენ ადამიანს გაანაწყენებს? რამდენს ასიამოვნებს? ახლა კარგი დროა განაჩენისთვის თუ მერე ჯობია?
აი ამწამს ხომ ყველა არასრულწლოვნის დაკავებაზე წერთ და სხვადასხვა ჭრილში განიხილავთ? ასეთი შეკითხვა დასვით:
რანაირ ქვეყანაში შეიძლება პოლიცია არასრულწლოვანი გოგოს დასაკავებლად მივიდეს ღამის თერთმეთ საათზე? მიმალვაში იყო? მიმალვის შანსი იყო? მოწმეებს დააშინებდა? დღეს უნდა დაეჭირათ ღამის 11 საათზე? არასრულწლოვან გოგოზეა საუბარი.
და მაშინ რატომ ქნა ეს რეჟიმმა? ჯერ რომ სწრაფად გავერკვეთ რა უნდა რეჟიმს და შემდეგ ვცადოთ რეაგირება, იქნებ ასე ორი ფეხით არ გადავხტეთ ყველა მახეში, რომელსაც ის გვიგებს ხოლმე.“
კომენტარები