რამდენჯერ მოვკვდი ამ ქვეყანაში და გავცოცხლდი – გერმანიაში მცხოვრები ფოთელი გოგო

გერმანიაში მცხოვრები ფოთელი 30 წლის სოფო კორტავა რამდენიმე დღის წინ “ჯონსონით” აიცრა.

როგორც იგი წერს, აცრიდან ერთი კვირის თავზე ქუჩაში წაიქცა.

„ერთი კვირის წინ ავიცერი “ჯონსონით“, აცრის წინააღმდეგი ვიყავი მაგრამ უკვე ვხვდები, რომ შესაბამისი დოკუმენტის გარეშე, რომ აცრილი ხარ, მალე გერმანიაში გაჭირდება.

ერთი კვირის განმავლობაში არაფერი მიგრძვნია, უფრო მეტიც თანამშრომლების ნაწილი ცუდად გახდა, მე კიდევ მშვიდად ვიყავი, ორი დღეა რაც კანზე გამონაყარი დამეწყო, დღეს ექიმთან მისვლამდე,სკოლაში მიმავალ გზაზე თავბრუსხვევითა და კანკალით ქუჩაში წავიქეცი, ხიდთან, კიდევ კარგი შიგნით არ ჩავხტი ინერციით. შემთხვევით და ღვთის წყალობით გამვლელმა ქალმა შემნიშნა, ქალაქის ცენტრალურ ნაწილში მხოლოდ ის იყო გავგიჟდი, სასწრაფოს მანქანა მალევე მოვიდა, საავადმყოფოში აკანკალებული წამიყვანეს, გერმანელი მედიკოსები ვარაუდობენ , რომ აცრის შედეგი არ არის, რადგან ერთი კვირაა გასული და უბრალოდ კონკრეტული რაღაცის მიმართ ალერგიული ვარ, როგორც არ შემეძლო, ისე ვიჩხუბე, რომ 30 წლის ვარ და ალერგია არასდროს მქონია და ასეთი დამთხვევა როგორ შეიძლებოდა მომხდარიყო. მოკლედ ვატყობ “არ ტყდებიან” .

ალერგიის საწინააღმდეგო ნემსი გამიკეთეს, ასევე გამომიწერეს მედიკამენტი და თუ იგივე განმეორდა, ისევ ჩვენთან მოდის პრინციპით დამემშვიდობნენ. ამას იმიტომ ვწერ, რომ ისინი, ვინც აცრას აპირებთ, გამოიკვლიეთ კარგად თავები და არ იჩქაროთ.

ძალიან შევშინდი, რამდენჯერ მოვკვდი ამ ქვეყანაში და გავცოცხლდი, არ შემიძლია უკვე.”,- წერს სოფო კორტავა.

წყარო: ,,პრაიმტაიმი”