რუსეთი ყირიმის ხიდის აღდგენას 2023 წლის ივლისისთვის გეგმავს.
შეგახსენებთ, ანექსირებულ ყირიმსა და რუსეთს შორის დამაკავშირებელი ერთადერთი ხიდი ააფეთქეს. რუსეთში აცხადებენ, რომ სამი ადამიანი დაიღუპა. მოსკოვი თავდასხმაში უკრაინას ადანაშაულებს, თუმცა ოფიციალური კიევი ბრალდებებს უარყოფს.
აფეთქების გამო ჩაინგრა საავტომობილო გზა და დაზიანდა სარკინიგზო ხაზი. ამჟამად მსუბუქი ავტომობილებისთვის გზა გახსნილია, აღდგა სარკინიგზო მიმოსვლაც, თუმცა სატვირთოებს ზღვის გადასალახავად ბორნების რიგში უწევთ დგომა.
ყირიმის ხიდი რუსეთის პრეზიდენტმა 2018 წელს, ყირიმის ანექსიის ოთხი წლის თავზე გახსნა.
კომენტარები