რამდენ მილიონი გამოიყო ტურისტული ბიზნესისთვის და ვის დაეხმარება სახელმწიფო?

საქართველოს მთავრობამ ტურიზმის ეტაპობრივი გახხსნისა და მხარდაჭერის ახალი გეგმა წარმოადგინა. გეგმის მოცულობა 200 მილიონი ლარია.

ტურიზმის სექტორის გათავისუფლება ქონების გადასახადისგან 2020 წელს — ღირებულება 45 მილიონი ლარი;

საშემოსავლო გადასახადის გადავადება წლის ბოლომდე — ღირებულება 90 მილიონი ლარი;

80 მილიონ ლარამდე მქონე ბრუნვის სასტუმროებისთვის სესხის პროცენტის 80%-ის სუბსიდირება 6 თვის განმავლობაში, მაქსიმუმ 5 მილიონი ლარი — ღირებულება 60 მილიონი ლარი;

ტურისტული კომპანიებისა და გიდების მხარდაჭერა — ღირებულება 5 მილიონი ლარი.

დღესვე გაირკვა, რომ შიდა ტურიზმი საქართველოში 15 ივნისიდან გაიხსნება. რაც შეეხება საერთაშორისო მოგზაურობას, უცხოელი ტურისტებისთვის საქართველოში შემოსვლა პირველი ივლისიდან იქნება შესაძლებელი.