ნიკა მელიას მიერ საზოგადოებრივი მაუწყებლის ეთერში გამართული მერობის კანდიდატების დებატების დატოვებას, დებატების იდეისა და დემოკრატიისათვის „წიხლის კვრად“ აფასებს ანალიტიკოსი დავით ზარდიაშვილი.
„დემოკრატიის მეხოტბეების, ასევე თუნდაც კრიტიკოსების მიერაც, არაერთგზის თქმულა კიდეც: დემოკრატია – ეს დებატებია!
წუხელ მელია მივიდა, წიხლი ჩააზილა და „ჰაშა“ ჰკრა – არა იმდენად კონკრეტულ რომელიმე ოპონენტს, ხოლო მათი სახით მათ უკან მდგარ ამომრჩეველთა არმიასაც, არამედ, ბევრად უარესიც: წიხლი ჰკრა – დებატების იდეას საერთოდ. ანუ იმას, რაც დემოკრატიაში ყველაზე ღირებულია!“- წერს ზარდიაშვილი სოციალურ ქსელში.
მისი თქმით, მელიას მხარდამჭერები ამ საქციელსაც გაამართლებენ და მეტიც, გმირობად შეაფასებენ.
„ეს გასაგებია, რომ იგი მელიაა, ე.ი. ვირია და მისგან, განა სხვას, თუ არა წიხლს, რას უნდა მოელოდე?! მაგრამ აი ისინი, ეს ჩვენი ლიბერალურ-დემოკრატიულად „სვეტსკი“, ე.წ. საზოგადოება, რომელიც თურმე „სისხლიანი ბანერების“ ზიზღის ენამ აღაშფოთა, ხომ ვიცით, კიკუსავით რასაც გააკეთებს: ვირობაზე იტყვის, ეგა – გამოხატვის თავისუფლებაა, მეტიც, მელია სწორედ ცეზარივით მოიქცა – „მივიდა, ნახა, გაიმარჯვაო“, ზოგი კი მაკედონელსაც გაუტოლებს – „გორდიას კვანძი გადაჭრაო“. მივლენ ეგენი არჩევნებზე და მელიას, ანუ ვირობასა და ქვეყნისთვის „ჰაშას“ კვრას, ერთხმად მისცემენ ხმას!“- წერს ანალიტიკოსი.
დავით ზარდიაშვილი მიიჩნევს, რომ ამაზე მეტი კომპრომატი „ნაციონალური მოძრობის“ რაობის გასაგებად საზოგადოებას არ უნდა სჭირდებოდეს.
“ცხადია, ამაზე მეტი კომპრომატი ამ ჩვენი ე.წ. ლიბერალ-დემოკრატიულად „სვეტსკი“, სინამდვილეში კი გლახაკი ე.წ. საზოგადოების კიდევ ერთხელ გასაშუქებლად, ნეტავ სხვა, დამატებით რაღაა კიდევ საჭირო – მაინცადამაინც მეგის ქარდავამ ახლა თავისი პროკურორი აქეთ უნდა „გაასმართლოს“ და ჩამოხრჩობა მიუსაჯოს, რომ ეს, ნაცების გულშემატკივარი გლახაკების კიკუობა დავინახოთ?!
ვისაც ყურნი აქვს სასმენლად ისმინოს: სახარების სიბრძნით, მპარავი და ავაზაკი იმითი იცნობა, რომ სახლში კარით არ შედის, არამედ უწესო გზით, ოდენ ავაზაკურად. ნაცი სწორედ ამითი იცნობა, რომ ხელისუფლებაში დაბრუნებას ავაზაკურადა ცდილობს!
ესეც იქით იყოს, რადგან რად უნდა დიდი სიბრძნე იმას, რომ ვირი წიხლით იცნობა?!” – წერს დავით ზარდიაშვილი.
კომენტარები