შსს-ში ავთანდილ ბილანიშვილის, იგივე “კაწროს” გამოკითხვა დასრულდა, იგი რამდენიმე საათის მანძილზე გაგრძელდა…
ადვოკატების თქმით, ბილანიშვილმა გამომძიებელს განუმარტა, რომ ის არ ფიგურირებს გავრცელებულ კადრებში.
ცნობისთვის, “კაწროს” სახელმა შაქარაშვილის გარდაცვალების საქმეში არაერთხელ გაიჟღერა.
ახალ კადრებში, რომელიც გუშინ გასაჯაროვდა, კარგად ჩანს, როგორ გადმოდის სამარშრუტო ტაქსიდან თეთრპერანგიანი პირი, რომელსაც სპორტული კეტი აცვია და ხელში ტელეფონი უჭირავს. მოქმედება კი დიდუბეში ხდება.
პირი მოგვიანებით შაქარაშვილის მეგობარს და ე.წ “ოქროს მოწმეს” გურამ ამირხანაშვილს ხვდება.
სათვალთვალო ვიდეოკადრებში ასახული პირი ტელეკომპანია „მთავარის“ ინფორმაციით შესაძლოა ე.წ კანონიერი ქურდის, აკაკი ბილანიშვილის ვაჟი, ავთო ბილანიშვილი იყოს, სწორედ ამ სიუჟეტის გამო დაიბარა იგი გამოძიებამ გამოკითხვაზე.
კომენტარები