პარლამენტის თავმჯდომარე, კახა კუჭავა თანამდებობიდან გადადგა.
პარლამენტის თავმჯდომარის პოსტზე, ირაკლი კობახიძე შალვა პაპუაშვილი წარადგინა.
შეგახსენებთ, რამდენიმე თვის წინ, შალვა პაპუაშვილმა ხელში აიყვანა და ისე გაათრია თინა ბოკუჩავა და შემდეგ თქვა, რომ ამით პარლამენტის მაშინდელი თავმჯდომარე “იხსნა”. ასე რომ, შეიძლება ითქვას, რომ პარლამენტის თავმჯდომარის “დაცვის” პოსტიდან, პაპუაშვილი პარლამენტის თავმჯდომარეობამდე დაწინაურდა. ალბათ, ამაგი დაუფასდა. რას იზამს პარლამენტის ახალი თავმჯდომარე და რა პროტოკოლს შეიმუშავებს თავად დეპუტატებისგან თავის დასაცავად – ეს მალე გამოჩნდება.
ოპოზიცია უკვე საუბრობს იმაზე, რომ კახა კუჭავა ის ადამიანი იყო “ოცნებიდან” ვისთან საუბარიც შესაძლებელია.
შალვა პაპუაშვილი, 2020 წლის ივლისი:
“როდესაც აგრესია მოდის ადამიანისგან, იქ მნიშვნელობა აღარ აქვს სქესს. სქესს არ უნდა ამოეფაროს ადამიანი. ესაა ყველაზე არასწორი გაგება ქალთა უფლებების. აგრესია მოდიოდა ქალბატონი თინასგან. ორი მანდატური მას აკავებდა და ვერ აკავებდა. რომ არ ყოფილიყო აგრესია და საფრთხე იმისა, რომ ავიდოდა პარლამენტის თავმჯდომარესთან… ბევრი რამ გვაქვს ნანახი, საღებავების გადასხმა, რაღაც ნივთიერებების დასხმა… ჩემი მხრიდან ეს იყო არათუ ძალადობა, ქალბატონი თინასგან მომდინარე პირდაპირი აგრესიის აღკვეთა”
დეპუტატი ხატია დეკანოიძე: “სერიოზულად ამბობთ, რომ “მორალური ვალდებულების გამო გამოათრიაეთ თინა?”
პაპუაშვილმა: “აბა, რისთვის ვიყავი იქ?”
კომენტარები