თეოლოგი, იურისტი, ვარლამ ხათრიძე, სოციალურ ქსელში, წერს:
“2002 წლის 14 ოქტომბერს ხელმოწერილ იქნა კონსტიტუციური შეთანხმება საქართველოს სახელმწიფოსა და საქართველოს სამოციქულო ავტოკეფალურ მართმადიდებელ ეკლესიას შორის, რომლის თანახმად სახელმწიფო ადასტურებს XIX-XX სს. სახელმწიფოებრივი დამოუკიდებლობის დაკარგვის პერიოდში, ეკლესიისათვის მატერიალური და მორალური ზიანის მიყენების ფაქტს. როგორც ჩამორთმეული ქონების ნაწილის ფაქტობრივი მფლობელი , იღებს ვალდებულებას მატერიალური ზიანის ნაწილობრივ კომპესაციაზე (მუხლი 12).
ყოველჯერზე, როცა სახელმწიფო გადაწყვეტს “კონკორდატში” მითითებული პუნქტები აღასრულოს ზოგიერთ ვაიპოლიტიკოსს და არასამთავრობო ორგანიზაციას ეწყებათ “წინა სამშობიარო ტკივილები” და მწვავედ განიცდიან კანონის აღსრულებას. იმ კანონისას, რომელიც, კანონთა იერარქიაში მეორე ადგილზე დგას და მხოლოდ საქართველოს კონტიტუციას უთმობს პირველობას…
ამჯერად მავანნი გააღიზიანა ტყეების ეკლესია-მონასტრებზე გადაცემის უფლების მინიჭებამ. რომლითაც ყოველ მონასტერს უფლება მიეცემა მისი ტერიტორიის მიმდებარედ 20 ჰექტარი ტყე დაიკანონოს. ისინი კეთილშობილებისა და ეროვნულობის ნიღაბს ამოფარებულნი აცხადებენ —- ვაპროტესტებთ ამ კანონს რადგანაც ხომ შეიძლება საპატრიარქომ გაასხვისოს ეს ტყეებიო… ამ აფსურდს ვინ დაიჯერებს ვინ “ჭამს” (მსგავსი ერთი ფაქტიც არ არსებობს ბუნებაში)…
არადა საუკუნის წინ მართლაც უდიდესი ზიანი მიადგა საქართველოს ეკლესიას, რაშიც არა მარტო რუსეთის არამედ საქართველოს მაშინდელ მთავრობასაც მიუძღვის წვლილი. ამიტომ 2002 წლის ეს შეთანხმება მართლაც, რომ გონივრული ნაბიჯია…
ქვეყნის ბედზე “მჭმუნვარეთ” აფიქრებთ 23 მილიონი რატომ იხარჯება სახელმწიფო ბიუჯეტიდან კულტურული ძეგლების აღდგენაში და მის გარშემო ინფრასტრუქტურის მოწყობაშიო. ვნახე ეგ სია და არც მეტი არც ნაკლები სიაშია —– გელათის სამონასტრო კომპლექსი, ბოდბის მონასტერი, კაცხის სვეტი და ა.შ. მგონი ჩამონათვალი საკმარისია…
ასევე ზემოაღნიშნული კანონის ფარგლებში 25 მილიონს ყოველწლიურად გადასცემს სახელმწიფო საპატრიარქოს, რომელიც განათლების სფეროში იხარჯება.
ჩემი აზრით ეს ერთადერთი თანხაა, რომელიც თეთრითეთრზეა დათვლილი და ყველაზე გამჭირვალედ გადის სახელმწიფო ბიუჯეტიდან. იმდენად დიდი საქმე კეთდება 100 მილიონამდე გავზრდიდი დღევანდელი ბიუჯეტის პირობებში. შემდეგ კი ბიუჯეტის გაზრდის შესაბამისად…
ვითომ ქვეყნის ფიქრში დამაშვრალნო სად იყავით, მაშინ როცა 2006-2012 წლებში 166 ათასი ჰექტარი მიწის ნაკვეთი უცხოელებზე გასხვისდა…
ხოო კიდევ ეს არ არის საკმარისი… ყველა საეკლესიო ნივთი რაც სახელმწიფოს მუზეუმშია ეკლესიას უნდა დაუბრუნდეს…
და კიდევ, არ ვიცი როდის მაგრამ მჯერა დადგება დრო, როცა რუსეთის მუზეუმის საცავებში გადამალული ქართული ეკლესიის კუთვნილი სიწმინდეები ისევ ნახავენ საქართველოს მზის შუქს…”
კომენტარები