რუსეთის პრეზიდენტის პრესმდივანმა, დიმიტრი პესკოვმა განაცხადა, რომ რუსეთი მზად არის შეწყვიტოს საომარი მოქმედებები “მომენტალურად” თუ უკრაინა კონკრეტულ პირობებს დათანხმდება.
პესკოვის განმარტებით სამხედრო ინტერვენცია შეწყდება თუ:
უკრაინა წერილობით (კონსტიტუციაში) იტყვის უარს ნებისმიერ ბლოკში გაწევრიანებაზე
აღიარებს ყირიმს რუსეთის ნაწილად.
და აღიარებს ე.წ. დონეცკისა და ლუგანსკის სახალხო რესპუბლიკების დამოუკიდებლობას.
შეგახსენებთ, რომ ერთი თვის წინ დიმიტრი პესკოვი კატეგორიულად გამორიცხავდა უკრაინაზე თავდასხმის შესაძლებლობას.
“ყოველდღიურად დასახელება რუსეთის თავდასხმის დღისა უკრაინაზე ძალიან ცუდი პრაქტიკაა, დავუსვათ თავს კითხვა, რა აზრი აქვს რუსეთისთვის ვინმეზე თავდასხმას.
შეგახსენებთ, რომ რუსეთი მთელი თავისი ისტორიის განმავლობაში თავს არავის დასხმია. რუსეთი, რომელმაც ამდენი ომი გადაიტანა, უკანასკნელი ქვეყანაა ევროპაში, რომელსაც საერთოდ სურს წარმოთქვას სიტყვა ომი” – ამბობდა დიმიტრი პესკოვი.
კომენტარები