“რა ნამუსით ამტკიცებთ,რომ წესიერი კაცია, პატრიოტია, ქვეყანას და ხალხს გამოადგება?”

ჟურნალისტი, ლევან ჯავახიშვილი, სოციალურ ქსელში, წერს:

“ორი შვილი მყავს, ბიჭი და გოგო. ახალს რას ვიტყვი, მთელ ქვეყანას მირჩევნია ორივე. თუმცა, არასდროს არ გამჭირვებია იმის აღიარება, რომ ვიღაც ჩემს შვილზე ლამაზია, ნიჭიერია, ღირსეულია, სამართლიანია….

ზოგჯერ გაბრაზებულან ამაზე ჩემი შვილები, სწყენიათ,. მაგრამ რა ვქნა, სიმართლეა და ვამბობ. სხვაგვარად არ შემიძლია. საკუთარ შვილზე უკეთესი თუ ვინმეა, იმაზე წინ ჩემსას არ დავაყენებ.

რატომ ვამბობ ახლა ამას. ეს „ქოცგამპრავებლები“ რომ არიან და „ქართული ოცნების“ მინისტრობის, პარლამენტისა და საკრებულოს დეპუტატობის ყველა დროის ყველა კანდიდადტზე, უკვე მინისტრებსა და დეპუტატებზე ჭკუა რომ ეკეტებათ, ყველაზე რომ ამბობენ, იდეალურია და უნაკლოა, უკონკურენტოაო… აი, ეგ ხალხი არ მომაჩნია ნორმალურად, ჭკუათმყოფელად. ასეულობით ადამიანში, როგორ შეიძლება ყველა უნაკლო და კონკურენტზე უკეთესი იყოს?

კაცო, შვილის ნაკლს ვხედავ და თვალს არ ვუხუჭავ და ტელევიზორში რომ გყავთ ერთხელ და ორჯერ ნანახი და არ იცნობთ, იმ ვიღაც ოხერ–ტიელზე როგორ სდებთ თავს? რა ნამუსით ამტკიცებთ,რომ წესიერი კაცია, პატრიოტია, ქვეყანას და ხალხს გამოადგება?

ხომ ვთქვი, ნორმალურები არ ხართ, ეგეთი ადამიანები. მერე ვარიანტიც არის–ხედავთ ამ ნაკლს და მატერიალური სარგებლის გამო, იძულებულნი ხართ, აქოთ და ადიდოთ. ან არადა, კომპრომატებით ჰყევხართ დაჭერილი და რასაც გეუბნებიან. იმას პოსტავთ და აკომენტარებთ.სხვა, მეოთხე ვარიანტი თუ არსებობს, სიამოვნებით მოვისმენ.

ერთი თქვენი დაწუნებული „ქართული ოცნების“პოლიტიკოსი, ჩინოვნიკი და მაგ საქმეების მაძიებელი მანახეთ და მერე მომკლა, მართლა აღარ დავეძებ”