მელია საქართველოს წინააღმდეგ, საქმის პირობებში – ევროპული სასამართლო საქართველოს ხელისუფლებისგან ელოდება კითხვაზე პასუხს – რამდენად არსებობდა კონვენციით გათვალისწინებული დაპატიმრების საფუძვლები.
ადვოკატ დიმიტრი საძაგლიშვილის განცხადებით, კითხვარში ნახსენებია ისეთი გახმაურებული საქმეები, როგორიცაა „ტიმოშენკო უკრაინის წინააღმდეგ” და „ნავალნი რუსეთის წინააღმდეგ”.
დიმიტრი საძაგლიშვილი:
სტრასბურგის სასამართლომ საქართველოს ხელისუფლებას კითხვა დაუსვა 18-ე მუხლის შესაძლო დარღვევასთან დაკავშირებით. მოგეხსენებათ, რომ მეთვრამეტე მუხლი არის კონვენციის ის მუხლი, რომლის დარღვევა დღის წესრიგში დგება მაშინ, როდესაც პოლიტიკური ნიშნით ხდება ადამიანების დევნა.
მელიას საქმეში “ქართული ოცნების” ლიდერების აღიარებები დევს:
აღიარება გვაქვს მოსმენილი ირაკლი კობახიძის, რომელსაც უკან პოლიტიკური საბჭო ედგა სრული შემადგენლობით, გიორგი გახარიასგან რომ ნიკა მელიას დაჭერა არ იყო სამართლიანი. ეს იყო “ქართული ოცნების” პოლიტსაბჭოს მიერ მიღებული გადაწყვეტილება ოპონენტი პოლიტიკური ლიდერის წინააღმდეგ”
შეგახსენებთ, ადამიანის უფლებათა ევროპულმა სასამართლომ „ერთიანი ნაციონალური მოძრაობის” თავმჯდომარის ნიკა მელიას დაპატიმრების საქმეზე კომუნიკაცია დაიწყო. როგორც ირკვევა, სტრასბურგის სასამართლომ საქართველოს მთავრობას კითხვები უკვე გამოუგზავნა.
კომენტარები