ოკუპირებულ აფხაზეთში ვითარება კვლავ დაძაბულია. ე.წ. პარლამენტისა და პრეზიდენტის ადმინისტრაციის შენობებში რჩებიან ოპოზიციონერი პოლიტიკოსები და მომიტინგეები.
ოკუპირებული აფხაზეთის დე ფაქტო პრეზიდენტი კი მშობლიურ სოფელში, ტამიშში იმყოფება. ე.წ. ოპოზიცია ბჟანიას გადადგომისკენ მოუწოდებს, ბჟანია კი თავის მხარდამჭერებს არწმუნებს, რომ სიტუაცია უახლოეს დღეებში გამოსწორდება.
აფხაზეთში დაპირისპირება ე.წ. პარლამენტის მიერ “მრავალფუნქციური კომპლექსების შესახებ” კანონპროექტის მეორე მოსმენით დამტკიცებას მოჰყვა, რაც რუსეთის მოქალაქეობის მქონე პირებს ოკუპირებულ ტერიტორიაზე ინვესტიციების განხორციელების საშუალებას აძლევს.
კომენტარები