თეოლოგი, იურისტი, ვარლამ ხათრიძე, სოციალურ ქსელში, წერს:
“იმ სამღვდელოებამ ვინც მრევლის გარეშე აღავლინეთ წირვა რა გგონიათ რით განსხვავდებით იმ სასულიერო პირებისაგან ვინც პატრიარქის და სინოდის გადაწყვეტილება შეასრულეს და რეკომენდაციის დაცვით აღასრულეს ლიტურგია…?
აღნიშნული მოქმედებით რა მაგალითი მიეცით მრევლს?________
რწმენის…?
გონიერების…?
რა დაუმტკიცეთ?
სხვაზე განათლებულობა…?
თანამედროვე აზროვნება…?
არაფერს მტკიცებით ფორმატში არ ვიძახი კითხვები დავსვი მხოლოდ…
რა გულმა გაუძლო იმას, რომ ლიტურგიის მიმდინარეობისას “ქრისტე აღსდგა”-ს შეძახებისას მრევლის პასუხი
“ჭეშმარიტად”-ო არ იყო…
რა გულმა გაუძლო იმას, რომ ლიტურგიისას არ გინახავთ მლოცველ მორწმუნეთა სახეები და არ გიგრძვნიათ აღდგომის სიხარულის საკუთარ მრევლთან თანაგანცდა…
მრევლის ნაცვლად ანთებული სანთლები სულიერებისგან დაცლილი ზედმეტად თეატრალიზებული ხომ არ იყო?
ვერაფრით “გააპრავებთ” თქვენს ამ საქციელს…
იმას ხომ ვერ იტყვით, წირვა რეკომენდაციების დაცვით არ ჩატარდაო… ვნახეთ ყველამ როგორი მორჩილი იყო მრევლი…
სხვა კვირის წირვები თუ აღავლინეთ მრევლთან ერთად თენებით ჩატარებული წირვისას რა უნდა დამართნოდა მრევლს… ღამე რა უნდა მომხდარიყო…?
ღამის განსაკუთრებულობა აგვიხსენით, ვინც ამართლებს ზემოაღნიშნულს…
სხვათაშორის ბულგარეთის ეკლესიამაც ჩვენს მსგავსად ჯანდაცვის მიერ გაცემული რეკომენდაციების დაცვით შეასრულა ლიტურგია. პოლონეთში კი საერთოდ რეკომენდაციების გარეშე ჩვეული ფორმით აღავლინეს წირვა…
წირვა მოციქულმა იაკობმა, შემდეგ იოანე ოქროპირმა და ბასილი დიდმა მხოლოდ სამღვდელო ხარისხში მყოფთათვის შექმნა?
და ბოლოს …
არაფერია იმაზე უფრო ცუდი მოსასმენად ვიდრე სასულიერო პირი მრევლს მოუწოდებდეს ეკლესიაში არ მოხვიდეთო… კიდევ უფრო მეტად ცუდი საყურებელია ქრისტეს შეშინებული მსახური…
P.s მიტროპოლიტმა გრიგოლმა (ბერბიჭაშვილი) განაცხადა თურმე ქვეყანაში ისეთი რთული ვითარებაა, ეკლესიებს ადგილზე უწევთ გადაწყვეტილების მიღებაო. ამით ირიბად მიანიშნა, რომ პატრიარქი თითქოს ვერ მართავს ვითარებას და სინოდის გადაწყვეტილება თითქოსდა არ იყო ვითარების შესაბამისი…
და კიდევ “შემოდგომაზე” აპირებს თურმე (როგორც თავად განაცხადა) წიწილების დათვლას და იმის გარჩევას ვინ იყო მართალი და ვინ მტყუანი…”
ნუ იქნებით მეუფეო ასე თვითდაჯერებული საკუთარ თავში მით უფრო ჩასაფრებული. ყველა ვცდებით და ეჰ, ეგ “შემოდგომა” დაგვიდგება თუ არა არავინ ვიცით. ვინძლო სინანული ვეღარ მოვასწროთ…
მკვდრეთით აღმდგარმა ქრისტემ მოგვამდლოს გონიერება და ცხონება..”
კომენტარები