ისრაელში სავაჭრო ცენტრები, ბაზრობები და ფიტნეს-დარბაზები გაიხსნა. ამის შესახებ ინფორმაციას ავრცელებს ადგილობრივი მედია. აღნიშნული დაწესებულებების დახურვის გადაწყვეტილება კოვიდ 19-ის მიერ გამოწვეული პანდემიის ფონზე მარტის თვეში იქნა მიღებული.
ინტერნეტში გავრცელდა ფოტოები, სადაც ასახულია პოლიციის ოფიცრები, რომლებიც მაჰანე იეჰუდას ბაზრის შესასვლელთან მყოფ ათეულობით მომხმარებელს სიცხეს უზომავენ, რომლის შემდეგაც აძლევენ ნებართვას, რომ შევიდნენ, თუმცა აგრეთვე აქტიურად აკონტროლებენ იმას, რომ არ მოხდეს გადატვირთვა აღნიშნულ სავაჭრო ობიექტებზე.
იერუსალიმის მერის მოშე ლაიენის თქმით, უსაფრთხოების ინსტრუქციების დაცვა არის სავალდებულო, რათა უზრუნველყონ ნორმალური ვაჭრობის პროცესი ბაზრობებსა და სხვადასხვა მაღაზიებში.
შეგახსენებთ, რომ ისრაელი მთელს მსოფლიოში ერთ-ერთი ყველაზე წარმატებული სახელმწიფო გამოდგა კორონავირუსთან ბრძოლაში. ქვეყანაში 16 346 ინფიცირების შემთხვევიდან მხოლოდ 239 ფატალური შემთხვევა აღინიშნა, ხოლო 11 000-მდე ადამიანი კი უკვე განიკურნა.
ნიუპოსტი
კომენტარები