პარტია „ქართული ოცნების” პარლამენტის წევრი, რეგიონული პოლიტიკის მდივანი დიმიტრი სამხარაძე “აიპრესთან” აცხადებს, რომ მის წინააღმდეგ სუს-ის ყოფილი მაღალჩინოსნის, სოსო გოგაშვილის ხელით მორიგი პროვოკაცია იგეგმება.
დიტო სამხარაძე:
„რამდენიმე კვირის წინ მიაწოდეს 2018 – 2019 წლის გადაკეთებული მოხსენებითი ბარათები. იმ პერიოდში გოგაშვილს ევალებოდა პარტიაში შემოსული თხოვნების დახარისხება. აქ მე მგონი ყველაფერი გასაგებია… სიუჟეტიც ვნახეთ. ოთხი დღის წინ მიაწოდა ჩემი და ჩემი ოჯახის შესახებ ასევე დამახინჯებული და გადაკეთებული ინფორმაციები. ოთხი დღის წინ თავისი ხელისბიჭის, გიორგი ხავთასის ხელით მელაძეს მიაწოდა ძველი სამუშაო ბარათის ამონაწერები, დიდი ნაწილი გადაკეთებული, ნაწილი რეალური. ველოდები მორიგ მონაჩმახს შავნოდარას შესრულებით“
მართალია, დიტო სამხარაძე, აქცენტს აკეთებს მის წინააღმდეგ მიმართულ პროვოკაციაზე, თუმცა, რეალურად, ბევრად მძიმე ბრალდებას უყენებს გოგაშვილს – დოკუმენტაციის მოპარვასა და გაყალბებაში სდებს ბრალს.
შეგახსენებთ იმასაც, რომ დიტო სამხარაძე სოსო გოგაშვილის შვილის ნათლიაა.
კომენტარები