“ქვეყნის სიყვარულს ტრენინგი არ სჭირდება! ისედაც გადავცურავთ ზღვას!” – “ახალი თეატრის” პასუხი “ოცნებას”

23 იანვარს, თბილისში გამართულ საპროტესტო მანიფესტთან დაკავშირებით “ქართული ოცნების” წევრების თავდასხმას ვასო აბაშიძის სახელობის ახალი თეატრის დასი განცხადებით პასუხობს.

“ახალი თეატრი”, რომელმაც გუშინ რეგიონული ტურნე დააანონსა, სოციალურ ქსელში წერს, რომ პირველი მიზნისთვის მიღწეულია – “დაგვინახეს, მოგვისმინეს, შეშფოთდნენ!”.

“ჩვენი პირველი გზავნილი მიღწეულია – დაგვინახეს, მოგვისმინეს, შეშფოთდნენ! მეგობრისთვის თავგანწირვა არ ისწავლება! ქვეყნის სიყვარულს ტრენინგი არ სჭირდება! ისედაც გადავცურავთ ზღვას!” – წერს “ახალი თეატრი”.

ცნობისთვის, საპროტესტო მანიფესტს, რომელიც 23 იანვარს, “ახალი თეატრის” წინ, ღია ცის ქვეშ გაიმართა, ივანიშვილის რეჟიმმა თავდასხმით უპასუხა.

ირაკლი კობახიძე ამტკიცებდა, რომ პარტიების და ენჯეოების შემდეგ ქვეყანაში რევოლუციის მოწყობას უკვე შემოქმედებითი სფეროს წარმომადგენლები გეგმავენ. მსგავსი შინაარსის გზავნილები გააჟღერა კახა კალაძემაც, რომელმაც საპროტესტო მანიფესტს “უნიჭო, არაფრისმომცემი შოუ” უწოდა.