“ქვეყანა დაიცალა, ესენი კი პარლამენტიდან მაინც არ გამოდიან” – ჭიჭინაძე

„ტრიბუნას“ ლიდერი დავით ჭიჭინაძე:

“ასეთი უსახური, ასეთი მონური პარლამენტი საქართველოს არ შეესაბამება და არც ყოლია. ვითომ დანაშაულს უყენებენ ერთმანეთს, ვითომ ილანძღებიან, სინამდვილეში კი, ასე ღლიცინით და შპილკაობით მხოლოდ საკუთარი თავის დაბინავებას ცდილობენ.

ხალხი კი თავისთვისაა – უკიდურეს გაჭირვებაში და უიმედობით შეპყრობილები სამშობლოდან გარბიან…

მოკლედ, არც ეკონომიკურად, არც დემოგრაფიულად, საქართველო მსგავს კატასტროფულ მდგომარეობაში არასოდეს ყოფილა, ქვეყანა დაიცალა, ესენი კი პარლამენტიდან მაინც არ გამოდიან. და ქვეყნის ერთად ძარცვას, ერთად გაძვალტყავებას, ერთად მუშაობას ეძახიან. ამიტომ ვამბობ, რომ ყველა იმ პოლიტიკური ძალის ამპუტაციაა საჭირო, ვინც საქართველო ამ დღეში ჩააგდო. და აღარ აქვს მნიშვნელობა, პოზიცია იქნება ეს, თუ ოპოზიაცია.”