ხმაური და დაპირისპირება იყო ბაღდათის მუნიციპალიტეტის სოფელ როხში, რის გამოც პოლიციის გამოძახება გახდა საჭირო.
როგორც ადგილობრივები აცხადებენ, სკოლის დირექტორის ქმარმა ერთ-ერთი ადგილობრივის მანქანას ქვები დაუშინა. ინციდენტის დროს მანქანაში ქალი და ბავშვი ისხდნენ. შემთხვევის შედეგად არავინ დაშავებულა.
დაპირისპირების მიზეზი ამ დროისთვის უცნობია.
დაზარალებულია ადგილობრივი მკვიდრი გოგიტა სანიკიძე, რომელმაც თავდასხმაში სკოლის დირექტორის ქმარი, ალექსანდრე მამასახლისი დაადანაშაულა. მანქანას დამტვრეული აქვს უკანა და გვერდითა შუშები.
ადგილზე პოლიციაა მობილიზებული და საგამოძიებო მოქმედებები მიმდინარეობს.
კომენტარები