ქუთაისში არასრუწლოვანი დააკავეს. პოლიციამ 17 წლის ბიჭი ძალის გამოყენებით დააპატიმრა. ინციდენტს არასწრულწლოვნის მეგობარი შეესწრო, რომელმაც დაკავების ოპერაცია მობილური ტელეფონით გადაიღო.
შემთხვევა გუშინ მოხდა. სამოქალაქო ფორმაში ჩაცმულმა სამართალდამცველებმა 17 წლის მოზარდს პირადობის დამადასტურებელი დოკუმენტის წარდგენა მოსთხოვეს. მას შემდეგ კი, რაც არასრულწლოვანმა უთხრა, რომ პირადობის მოწმობა არ გააჩნდა, პოლიციელებმა მისი დროებითი მოთავსების იზოლატორში წაყვანა განიზრახეს. მათ მოთხოვნას არასრულწლოვნები არ დაემორჩილნენ, რადგან აღნიშნული მოთხოვნა უსაფუძვლოდ მიიჩნიეს, რასაც ხმაური მოჰყვა.
დაკავებული არასწრულწლოვნის ოჯახის წევრები ამბობენ, რომ 17 წლის მოზარდი შშმ პირია, რომელსა გულთან დაკაშირებული პრობლემები აქვს. მათი თქმით, მთელი ღამის განმავლობაში მოზარდის ჯანმრთელობის მდგომარეობის შესახებ ინფორმაცია არ ჰქონიათ.
დაკავებული მოზარდის ოჯახის ინტერესების დამცველი კახა კალაშოვი ამბობს, რომ სამართალდამცავების მხრიდან ძალის გადამეტებას ჰქონდა ადგილი. მისი თქმით, მნიშნელოვანია, რომ ამ საკითხით საგამოძიებო უწყებები დაინტერესდნენ.
დაკავებულია არასრულწლოვანი, 17 წლის ბავშვი. მივიდა სამოქალაქო ფორმაში ჩაცმული პოლიციელი, რომელიც სპორტულებში იყო გამოწყობილი, მოსთხოვა ბავშვებს საბუთი, რომლებიც თავის კორპუსთან იდგნენ. თქვენ ვინ ბრძანდებით, თავად წარმომიდგინეთ საბუთი, რატომ მთხოვთ საბუთს… მე კადრებიც განახეთ როგორ ძალადობენ. გადაიყვანეს N 1 იზოლატორშ. მთელი ღამე გაატარებინეს უკანონოდ ე.წ. კაპეზეში. დაიყოვნებლივ იქნეს გამოძიებული ყველა ის პოლიციელი, რომლებმაც უკნონობა ჩაიდინეს, – ამბობს კალაშოვი.
არასრუწლოვან მოზარდი ამ დროისათვის უკვე თავისუფალია, თუმცა ამ დრომდე შსს ამტკიცებდა, რომ მზოარდას სამართალდამცავებისადმი ხულიგნობას და დაუმორჩილებლობას ედავებოდნენ.
კომენტარები