“ყველაზე მოულოდნელი იყო, როცა ამ ადამიანმა გადადგა ნაბიჯი და პერსონალური მაგალითი აჩვენა” – მელია ხაზარაძეზე

“ენმ”-ის თავმჯდომარემ, ნიკა მელიამ, ბათუმში გამართულ აქციაზე სიტყვით გამოსვლისას, “ლელოს” ლიდერზე, მამუკა ხაზარაძეზე ისაუბრა და თქვა:

“დიდი ხანია არ არის რაც ვიცნობ, აღმოვაჩინე ამ ადამიანში ის თვისება, რაც ყველაზე მეტად მომწონს – ეს არის გულწრფელობა, პრინციპული დამოკიდებულება საკითხებსადმი. ყველაზე მოულოდნელი ის იყო, როცა გაჭირვების ჟამს, როდესაც უსამართლობას ვებრძოდით ოპოზიციური პარტიების მცირე ჯგუფი, ამ ადამიანმა გადადგა ნაბიჯი და პერსონალური მაგალითი აჩვენა – დიახაც მეც აქა ვარ. დიახაც, საზოგადოებამ უნდა გაიგოს, რომ თბილისის მერის მოადგილედ მე მოვდივარ შენთან ერთად, იმიტომ რომ ვიცი, შენ იბრძვი ამ ქვეყნის მომავლისთვის. გამიკვირდა, არ დაგიმალავთ, არ ველოდი და დავრწმუნდი, რომ ასეთ ადამიანებთან ერთად ბრძოლა ჩემთვის არის პატივი, მიუხედავად განსხვავებული პოლიტიკური შეხედულებებისა რიგ საკითხებზე, გადავდეთ განზე და სანამ ეს ქვეყანა არ გათავისუფლდება და სამართლიანი არჩევნები არ ჩატარდება და ეს არის ჩვენი მთავარი მოთხოვნა, მიხეილ სააკაშვილის გათავისუფლებასთან ერთად, ჩვენ მხარდამხარდ ვივლით”