„ყველა ზრდასრულმა მოქალაქემ კორონავირუსის საწინააღმდეგო ვაქცინის გამაძლიერებელი დოზა უნდა მიიღოს“, – ამის შესახებ აშშ-ის ალერგიისა და ინფექციური დაავადებების ეროვნული ინსტიტუტის დირექტორმა ენტონი ფაუჩიმ განაცხადა.
მისი თქმით, ვაქცინის ეფექტიანობა რამდენიმე თვის განმავლობაში მცირდება, თუმცა, ამასთან დასძინა, რომ „ფაიზერის“ვაქცინა კვლავ ძალიან ეფექტიანი ვაქცინაა.
„მივიჩნევ, რომ გამაძლიერებელი დოზა ეფექტიანია და რეკომენდებული უნდა იყოს აშშ-ში ყველა ზრდასრული ადამიანისთვის, რომლებმაც ვაქცინის ბოლო დოზა ექვსი თვის წინ ან მეტი ხნის წინ მიიღეს. გამაძლიერებლის მიღებას ახლა განსაკუთრებული მნიშვნელობა აქვს, რადგან ჩვენ შევდივართ ზამთრის სეზონში“, – აღნიშნა ენტონი ფაუჩიმ.
აშშ-ის ალერგიისა და ინფექციური დაავადებების ეროვნული ინსტიტუტის დირექტორის თქმით, აუცილებელია სწრაფად მოხდეს არავაქცინირებული ადამიანების ვაქცინაცია.
კომენტარები