ჟურნალისტი, ნაზიბროლა რეხვიაშვილი:
თბილისში ნაცების წინააღმდეგ გამართული, თითქმის, არც ერთი აქცია არ გამომიტოვებია. რამდენიმე მათგანზე ჩემს შვილთან ერთად ვიდექი, მაშინ ძალიან პატარა იყო.
ამ ხელისუფლების პირობებში ერთხელ ჩავედი თბილისში, ევროკავშირი რომ ჩვენი არჩევანია, მეც მინდოდა ეს დამეფიქსირებინა, იმ მოედანზე დამეფიქსირებინა. ისევ ჩემს შვილთან ერთად ვიდექი, უკვე 28 წლის შვილთან ერთად.
ახლაც წავალ, ევროპა ჩემი არჩევანია და არ არსებობს არანაირი “ხალხის ძალა”, ეგენი ყველა ბიძინას ხელისბიჭები არიან, ბიძინას კეთილდღეობაზეა მიბმული მათი კომფორტი და კეთილდღეობა, ფეხზე ჰკიდიათ სხვა ყველა და ყველაფერი. ძალადობრივ ჯგუფებს ქმნიან და რუსული ფულით აფინანსებენ, რომ მათთვის მიუღებელ პერსონებზე დაგეშონ.
უკვე კარგახანია, ზუსტად ვიცი, რომ რუსეთი არის მტერი!
რუსეთი არის ჩემი ქვეყნის დამაქცევარი!
რუსეთი არის მკვლელი!
რუსეთი არის ოკუპანტი!
და ყველა, ვინც მის მიზნებს ნებით ან უნებურად ემსახურება, გაცნობიერებული ან გაუცნობიერებელი მოღალატეა!
დროა, გააცნობიეროს!
ძალიან ვწუხვარ, რომ დემოკრატიის, სიტყვისა და გამოხატვის თავისუფლების, ქვეყნის დამოუკიდებლობის დაცვა ახლა ჩვენს შვილებს უწევთ, რადგან ჩვენ ვერ შევძელით, რუსეთში დაბრუნების საფრთხე მათთვის საბოლოოდ აგვეშორებინა.
კიდევ უფრო სამწუხარო იქნება, თუ ამას მშობლების თანადგომის გარეშე გააკეთებენ.
ყველა მშობელი შვილების გვერდით უნდა ვიდგეთ და მათ უკეთეს მომავალს მათთან ერთად ვიცავდეთ!
ამაზრზენია იმის ყურება, როგორ დგანან (უფრო სწორად, სხედან საჯდომს შეზრდილ სავარძლებში) ეს საბჭოური და ბოლშევიკური აზროვნების ფულის ტომრები და როგორ ისტერიკულად უპირისპირდებიან ახალგაზრდებს, როგორ ცდილობენ, ევროპული პერსპექტივა წაართვან მათ, რათა რუსული ტიპის მმართველობის პირობებში, მშვიდად გააგრძელონ კორუფციასა და ძალმომრეობაში ცხოვრება. მერე ამ ფულით საკუთარი შვილები აცხოვრონ ევროპასა და აშშ-ში უზრუნველად, სრული კომფორტი შეუქმნან და უსაფრთხოდ ჰყავდეთ.
არ უნდა დავუშვათ!
მე არ დავუშვებ და იქ დავდგები, სადაც ჩემი შვილები იქნებიან!
თქვენც დადექით საკუთარი შვილების კეთილდღეობის სადარაჯოზე!
კომენტარები