ჟურნალისტი, ბონდო მძინარაშვილი, სოციალურ ქსელში, წერს:
“მომისმინეთ!
ყველა, ვინც ახლა ზუგდიდში, ბანკის შენობაშია, არის ამ ტერორ-სპექტაკლის მონაწილე!
დააკვირდით, როგორმა სიმშვიდემ დაისადგურა ბანკის შენობაში!
დააკვირდით, როგორ მშვიდად სხედან თავჩარგულები!
რომელს ეტყობა შიში? – არცერთს!
ამიტომ, ნუ ღელავთ:
არავინ არავის არ მოკლავს!
ყველა ერთმანეთს იცნობს, – ნიღბიანიც და უნიღბოც!
ისინი, ვისი მონაწილეობაც ნაცსექტის ტერორ-სპექტაკლის დადგმის დროს არ იყო გათვალისწინებული, უკვე გამოუშვეს!
ეს არის პოლიტიკური სპექტაკლი ტერორისტული ვინეგრეტით!
ეს არის სპეციალურად წინასაარჩევნოდ მოწყობილი ტერორ-სპექტაკლი!”
აჰა, გახსნა აგერ ბატონმა ბონდომ საქმე, როგორ ტყუილად ჩასულა შს მინისტრი ზუგდიდში და როგორ ტყუილად ატარებს ამ წუთებში შტაბის სხდომას… თუ დარწმუნებულნი ხართ რომ სპექტაკლია, რა საჭიროა პოლიცია, სპეც.რაზმი და პერიმეტრის გადაკეტვა, სკამები დადგით, ბილეთები გაყიდეთ და ტაში დაუკარით! დამთავრდება სპექტაკლი და გამოვლენ!
ძალიან უცნაურია ისე, ხან დანაშაულის ჩადენიდან 3 თვის მერეც არ “შეიძლება” საქმეზე საუბარი და ვერსიის თქმა, რადგან ამით შსს-ს ხელი ეშლება, ხანაც კი დანაშაულის მიმდინარეობისას, საქმე უკვე გახსნილია, გააჩნია, ვის როგორ აწყობს.
კომენტარები