ჟურნალისტი, ნენე დალაქიშვილი:
“რამდენიმე თვის წინ, როცა ალტ-ინფომ პარტია შექმნა და ხალხს ეპატიჟებოდა, მათ ცხელ ხაზზე დავრეკე.
მოკლედ, არ შედგა სასიამოვნო საუბარი – გავლანძღე, გავთათხე, ვწყევლე, ვაგინე, საშინლად ვეჩხუბე.
ბოლოს ვიღაც ბიჭი დამალაპარაკეს და მასაც იგივე დღე ვაყარე.
გავიდა რამდენიმე კვირა და ჩემი მეგობარი ჟურნალისტი მირეკავს, კოკა მორგოშია გეძებსო. ნომრით მიპოვეს
ნუ, მივხვდი, რატომაც მეძებდა.
ამ ჩემი მეგობრისთვის შეუჩივლია, გვაგინა, გვათრია, გვწყევლაო და ყბას რომ მოუნგრევენ, მერე არ იწუწუნოსო.
შევუთვალე, დამირეკოსთქო.
მას მერე ველოდები და არ მირეკავს.
Lika Basilaia-Shavgulidzeს ამბავზე გამახსენდა, წუხელ, ძალოვანი უწყების მაღალჩინოსანმა შეუთვალა, ბევრს ნუ ლაპარაკობსო.
ხოდა, დღეს მე და ლიკა პარლამენტის წინ ვიქნებით და გამოგვიარეთ, დაგვხედეთ, ემანდ, არავის გადაუღუნოთ.”
შეგახსენებთ, წერილს რომელიც გაავრცელა ლიკა ბასილაია–შავგულიძემ:
“ახლა დამიკავშირდა ახლობელი, უფრო კარგი მაცნობი ქვია ამ კატეგორიას და ძლივს ამოღერღა, რომ კონტრდაზვერვის ერთ-ერთმა შეფმა კითხა ჩემზე რაღაცეები და ირიბად შემომითვალა გაჩერდესო. ჰოდა თუ არ გაჩერდებიან თავად, ვიტყვი მის სახელს და გვარს ეს ერთი და ხვალვე ამერიკის და დიდი ბრიტანეთის საელჩოებს მივაწვდი ინფორმაციას და ისეთ სკანდალებში გავხვევ ამ უბედურებს, რომ არ დასიზმრებიათ. გასაგებია?!”
კომენტარები