ფოტო – BBC
BBC-ის ინფორმაციით, ყაზახეთის დაზვერვის ყოფილი უფროსი ღალატშია ეჭვმიტანილი და იგი ქვეყნის მასშტაბით ანტისამთავრობო საპროტესტო აქციების შემდეგ დააკავეს.
მასიმოვის დაკავების შესახებ ეროვნული უშიშროების კომიტეტმა განაცხადა, თუმცა, დეტალები არ დაუზუსტებია.
ასევე, გავრცელდა ინფორმაცია, რომ პრეზიდენტი ტოკაევი რუს კოლეგა, ვლადიმერ პუტინს ესაუბრა, სატელეფონო ფორმატში, განაცხადა, რომ “ტერორისტული” თავდასხმები ჯერ კიდევ ხდება ზოგიერთ ადგილებში.
მედიასაშუალების ცნობით, პრეზიდენტი ტოკაევი არეულობაში ადანაშაულებს უცხოეთში გაწვრთნილ “ტერორისტებს”, თუმცა, მტკიცებულებების გარეშე.
შინაგან საქმეთა სამინისტროს ცნობით, შეტაკების შედეგად დაიღუპა 26 „შეიარაღებული კრიმინალი“ და 18 უშიშროების თანამშრომელი. სამინისტროს ცნობით, დაკავებულია 4000-ზე მეტი ადამიანი. ციფრები არ არის გადამოწმებული, რადგან საპროტესტო აქციების დროს გათიშული იყო სატელეფონო ხაზები და ინტერნეტ სერვისები, რაც ართულებდა მოვლენების სრული სურათის დადგენას.
შეგახსენებთ, რუსეთის ჯარების შესვლას ყაზახეთში აშშ-ს სახელმწიფო მდივნის ენტონი ბლინკენი ასე გამოეხმაურა: “უახლესი ისტორიის ერთი გაკვეთილი არის ის, რომ როდესაც რუსები თქვენს სახლში მოდიან, ზოგჯერ ძალიან ურთულდებათ მათი დატოვება”.
რუსეთის საგარეო საქმეთა სამინისტრომ ბლინკენის განცხადებას შეურაცხმყოფელი უწოდა და განაცხადა: „როცა ამერიკელები შენს სახლში არიან, შეიძლება რთული იყოს ცოცხალი დარჩე და არ გაძარცვონ ან გააუპატიურონ“.
კომენტარები