სურსათის ეროვნული სააგენტოს უფროსის კაბინეტს პოლიცია იცავს – ზურაბ ჩეკურაშვილი, რომელმაც ოკუპანტ სახელმწიფოსთან, რუსეთთან მოლაპარაკება გამართა, კაბინეტშია ჩაკეტილი.
“ტვ პირველი”დაინტერესდა, საქართველოს მთავრობის წარმოამდგენელი რუსეთში ჩასული იყო და ისე გამართა რძის და ყველის შეტანაზე მოლაპარაკებები თუ დისტანციურად გადაწყვიტა რუსეთის დახმარება, თუმცა ჩეკურაშვილმა ადგილზე პოლიცია გამოიძახა, რომლებიც ჟურნალისტს კაბინეტთან მიახლოებას უკრძალავენ.
ცნობისთვის, საქართველოს მთავრობა კიდევ ერთ სკანდალში გაეხვა. უკრაინის საგარეო საქმეთა სამინისტრო ღარიბაშვილის ხელისუფლების გადაწყვეტილებას, რომ რუსეთში რძე და ყველი გაიტანოს, დაუშვებელს უწოდებს.
“როცა უკრაინაში ომია, რაკეტებით და ბომბებით მშვიდობიან მოქალაქეებს კლავენ, რუსეთის დახმარება და სავაჭრო ურთიერთობების ხელშეწყობა მიუღებელია” – წერს ოფიციალური კიევი საქართველოს ხელისუფლების მისამართით.
კომენტარები