დემოკრატიული ცვლილებების ცენტრის ხელმძღვანელი დავით ჩიხელიძე აცხადებს – „დღეს მთავრობის მორიგი სხდომა გაიმართა, ირაკლი ღარიბაშვილის პრემიერ მინისტრობის პირობებში მთავრობის სხდომამ სხვა მნიშვნელობა შეიძინა, დღეს რეალურად ხდება პრობლემებზე მსჯელობა და პრობლემების გადაჭრა“
„რამდენიმე თვის წინ აქტუალური იყო ფარმაცევტული ბაზარი, რომელიც სამწუხაროდ არაკეთილსინდისიერი მოთამაშეების ხელში იყო, აღნიშნული ბაზარი სწორედ მთავრობის და პრემიერის ინიციატივით და სწორი მუშაობით გაკეთილშობილდა და დღეს ვხედავთ, რომ მედიკამენტების ღირებულება საგრძნობლად არის შემცირებული, ასევე მნიშვნელოვანია, რეცეპტის გაცემის ახალი წესი, რომელიც ექიმების მხრიდან არსებულ მანიპულაციებს გამორიცხავს და პაციენტს ფინანსურ ტვირთს შეუმსუბუქებს.
სრულად ვიზიარებ პრემიერის პოზიციას, რომ საქართველოში მეორე ფრონტი არ იქნება! სამწუხაროდ არსებობს ადამიანთა ჯგუფი, რომელთა მთავარ მიზანს საქართველოს ომში ჩათრევა წარმოადგენს. საერთაშორისო საზოგადოებას კი ზუსტად ესმის საქართველოს მთავრობის/პრემიერის სწორი პოზიცია, რაც მათ ურყევ მხარდაჭერაში გამოიხატება. ვუყურებ უკრაინაში მიმდინარე პროცესებს და ვხედავ, რომ პრემიერის პრინციპულმა პოლიტიკამ საქართველო ომს და განადგურებას გადაარჩინა“, – აცხადებს დავით ჩიხელიძე.
კომენტარები