იტალიური ბრენდი, franco fontana georgia, ოფიციალურ განცხადებას ავრცელებს, სადაც საუბარია კომპანიის წინააღმდეგ აგორებულ ცილისმწამებლურ კამპანიაზე.
“მთავარი არხი”-ს დახმარებით, ცნობილი მაღაზიათა ქსელის ერთ-ერთი მომხმარებელი, ნატალი ქინგი, ირწმუნებოდა, რომ ბეჭედი, რომელიც ფრანკო ფონტანაში, 2 წლის წინ, შეიძინა, მხოლოდ ახლახანს აღმოაჩინა რომ ყალბია. აღნიშნულ თემასთან დაკავშირებით, franco fontana, საზოგადოებას მნიშვნელოვან ინფორმაციას აწვდის:
კერძოდ, მოქალაქე ნატალი ქინგის მიმართვის საფუძველზე, საქართველოს ტექნიკური უნივერსიტეტის, გეოლოგიისა და მინერალურ ნივთიერებათა კვლევის, დიაგნოსტიკისა და გადამუშავების რესპუბლიკურმა საგამოცდო ლაბორატორიამ, დაასრულა სამკაულის ექსპერტიზა. კვალიფიციური ექსპერტების დასკვნიდან ირკვევა, რომ ბეჭედი, რომელიც მისი თქმით ჩვენს ერთ-ერთ მაღაზიაში შეძინა, შავი ბრილიანტია და არანაირ ყალბ ნივთთან საქმე არ გვაქვს. ოფიციალური დასკვნა უკვე გადაეგზავნა პოლიციის შესაბამის განყოფილებას. აღნიშნულ დოკუმენტს, ჩვენ, უახლოეს პერიოდში, სასამართლოს საშუალებით მოვიპოვებთ და დაუყოვნებლივ გავასაჯაროებთ. ამ ეტაპზე კი, პოლიციისგან ვითხოვთ მოახდინოს ნატალია ქინგის დაკავება, თაღლითობისა და ცრუ დასმენის ფაქტზე.
როგორც ირკვევა, ეს ქალბატონი არა ერთ კომპანიას აშანტაჟებდა და სძალავდა სოლიდურ თანხებს მსგავსი მეთოდებით. მივმართავთ თხოვნით, დაზარალებულ პირებსა და კომპანიებს, გამოგვეხმაურონ. ნათქვამია განცხადებაში..
კომენტარები