თბილისის საქალაქო სასამართლოსთან, სადაც რამდენიმე წუთის წინ მოსამართლე ქეთევან ჯაჭვაძემ განაჩენი გამოიტანა და სინდისის ბიჭები პატიმრობაში დატოვა, მობილიზებულ მანდატურებსა და მოქალაქეებს შორის ადგილი შელაპარაკებას ჰქონდა.
მსახიობი გიგა დათიაშვილი “პირველებთან” აცხადებს, რომ მოსამართლის მიერ გამოცხადებული გადაწყვეტილების წინააღმდეგ გამოთქმულ პროტესტზე დაცვის სამსახურის თანამშრომლები იცინოდნენ.
პოლიციასთან შელაპარაკებას რაც შეეხება, აღელვებული ხალხი, რომელიც გამოვიდა და თავის პროტესტს გამოხატავდა, რამდენიმე პოლიციელი იდგა და იცინოდა. რომ მივედი და ვკითხე, რა გაცინებთ-მეთქი, ამაზე უფრო იცინოდნენ. ეს იყო შელაპარაკების მიზეზი პოლიციასთან. ერთ-ერთ პოლიციელს, რომელსაც ვუხსნიდი, რომ თქვენ ჩემი პოლიცია ხართ და თქვენი იმედი უნდა მქონდეს, თუ არ უნდა მქონდეს-მეთქი, ამ პოლიციელმა მიპასუხა, თქვენ არ უნდა გქონდეთ ჩემი იმედიო. რომ ჩავეკითხე, ესე იგი, არ უნდა მქონდეს თქვენი იმედი-მეთქი, რა გინდა ბიჭო, წადი აქედანო”, – ამბობს გიგა დათიაშვილი.
ანდრო ჭიჭინაძე, ონისე ცხადაძე და კიდევ 9 დაკავებული სასამართლომ პატიმრობაში დატოვა.
კომენტარები