თბილისის საქალაქო სასამართლომ ვანო გომურაშვილი 2 000 ლარით დააჯარიმა – სამოქალაქო აქტივისტის წინააღმდეგ, რომელსაც პოლიციისთვის დაუმორჩილებლობას ედავებიან, დღევანდელ სასამართლო სხდომაზე შინაგან საქმეთა სამინისტროს თანამშრომლები დაკითხეს.
გომელაურის უწყების წარმომადგენლები მოსამართლოში ამტკიცებდნენ, რომ ვანო გომურაშვილი არათუ პოლიციელების კანონიერ მოთხოვნას დაემორჩილა, არამედ ცენტრალურ საარჩევნო კომისიასთან გამართულ აქციაზე სამართალდამცველებს სიტყვიერი შეურაცხყოფა მიაყენა.
მიუხედავად პოლიციელების ჩვენებისა, არცერთ მათგანს ფაქტის დამადასტურებელი მტკიცებულება არ წარუდგენია. სასამართლო სხდომიდან გამოსულმა ერთ-ერთმა სამართალდამცველმა “პირველებთან” თქვა, რომ ვანო გომურაშვილი დაკავების “ღირსი იყო”.
ღირსი იყო. უზრდელია. პოლიციელს როდესაც სიტყვიერ შეურაცხყოფას აყენებენ, აკავებენ”, – ამბობს პოლიციელი.
რაც შეეხება თავად სამოქალაქო აქტივისტს, ვანო გომურაშვილი დარწმუნებულია, რომ მისი 2 000 ლარით დაჯარიმება მოულოდნელი არ ყოფილა. მეტიც, სამოქალაქო აქტივისტი ფაქტს დაშინების მცდელობად აფასებს და მიიჩნევს, რომ მსგავსი ქმედებებით მმართველ პარტიას განსხვავებული აზრის ჩახშობა სურს.
2 000 ლარით დამაჯარიმეს. მოსალოდნელიც იყო. მიუხედავად იმისა, რომ მტკიცებულებები არ წარმოუდგენიათ, ეს ჩვენთვის მოულოდნელი არ იყო. “ქართული ოცნება” განაგრძობს სამოქალაქო აქტივისტებზე და განსხვავებული აზრის მქონე ადამიანებზე ზეწოლას, მაგრამ მათი მთავარი მოტივი რაც არის, რომ ჩვენ დაგვაშინონ, ეს მათ არ გამოუვათ. მსგავსი ტიპის სასჯელი არავის არ გვაშინებს”, – ამბობს ვანო გომურაშვილი.
კომენტარები