“პოლიციელებს ხმა უკანკალებდათ” – რას ჰყვება გათავისუფლებული გიგი უგულავა

პოლიტიკოსი, გიგი უგულავა, რომელიც წუხელ ღამით გაათავისუფლეს, გირაოს სანაცვლოდ, ტვ პირველთან ამბობს:

“სამართლებრივი სივრციდან გასულია ჩვენი სახელმწიფო, ის არის ჩვეულებრივი ხუნტა, რომელიც კანონებით აღარ მოქმედებს. სასამართლო, 8 პირის მათ შორის ჩემი, კანონსაც არ ეფუძნებოდა. არ არსებობს კანონი, რომლითაც ჩვენ სისხლის სამართლის წესით დაგვიჭირეს. კაპეზედან რომ გამოვედი ადმინისტრაციულ სასამართლოში მივდიოდი, დამხვდნენ იქ პოლიციელები, რომლებმაც მითხრეს, ბრალი უნდა წაგიყენოთო, თან ხმა უკანკალებდათ. ეს არის რეჟიმის ყანყალი. ფაქტია, რომ ეს ყველაფერი ადამიანების დაშინებისთის კეთდება. თბილისი მოლი მისასვლელად მართლა რთული ადგილია და არც მე მეგონა ამდენი ხალხი თუ მოვიდოდა, ალბათ თვითონაც დაბნეულები იყვენენ. რომ დამიჭირეს მთელი ღამე კაპეზე-კაპეზე მატარეს. 

არ მინდა ჩემს თავზე საუბარი, როცა მზია ამაღლობელი ამდენი დღეა შიმშილობს. ყველაზე სევდიანი ვიყავი პროცესზე, რადგან აღმოვაჩინე, რომ ყველაზე ასაკოვანი ვიყავი პროცესზე. ყველაზე პატარა 20 წლის იყო და ყველაზე დიდი მე 50-ის. ასაკს იმიტომ ვუსვამ ხაზს, რომ ეს არის ამ ასაკის პროცესი. დაკავებები შეიძლება გაგრძელდეს, მაგრამ ამით ვერ შეაშინებენ. შიგნითაც არ მოსწონს რეჟიმი ბევრს. სამი საათი ვიდექი იქ და ხომ უნდა გველაპარაკა რამეზე და მათ ეს აწუხებთ. 

ვინც ძალადობს, ბოლო–ბოლო ძალისგან ის იცლება”, – ამბობს გიგი უგულავა. 

გიგი უგულავამ და დიმიტრი ბიძინაშვილმა რუსთავის საპატიმრო გუშინ გვაინ ღამით დატოვეს. სასამართლომ Tbilisi Mall-თან სისხლის სამართლის ბრალდებით დაკავებულ რვავე პირს აღკვეთის ღონისძიების სახით გირაო შეუფარდა.

გიგი უგულავას, დიმიტრი ბიძინაშვილს, ირაკლი ტაბატაძეს, ირაკლი წიგნაძეს, ალექსანდრე გოგოლაძეს 5000 ლარიანი გირაო, ნიკოლოზ ქუმსიშვილს 4000-ლარიანი, ვასილ ელიავას, ნიკოლოზ კუტუბიძეს 3500-ლარიანი გირაო შეეფარდათ.

საპატიმრო გირაო პროცესზე პროკურატურამ მოითხოვა.