საქართველოს საზოგადოებრივ საქმეთა ინსტიტუტის (GIPA) პროფესორი, გიორგი კობერიძე:
მეორე მსოფლიო ომის შემდეგ პირველად, გერმანიამ პერმანენტული სამხედრო მისია გაგზავნა ლიეტუვაში. 5000 კარგად აღჭურვილი სამხედროს მოვალეობა ნატოს აღმოსავლეთ ფლანგის დაცვა და სუვალკის დერეფნის უსაფრთხოება იქნება, რომელიც რუსეთის კალინინგრადის ოლქსა და ბელარუსს შორის მდებარეობს. დერეფანზე პოლონეთ-ლიეტუვას დამაკავშირებელი მაგისტრალი გადის. მისი სამხედრო დაცვა მთელი ბალტიის სამი სახელმწიფოს სახმელეთო უსაფრთხოებას გულისხმობს. დერეფანი სიგანეში დაახლოებით 100 კილომეტრია.
გერმანია 2027 წლისათვის გადაიარაღების პირველი ტალღის დასრულებას გეგმავს, ხოლო 2029 წლის ბოლოსთვის საუკეთესოდ აღჭურვილი სამხედრო ძალების ყოლას აანონსებს.რუსეთმა უკრაინაზე თავდასხმით არამხოლოდ შვედეთი და ფინეთი გააწევრიანა ნატოში, არამედ გერმანიაც გამოაღვიძა. პოლიტიკურად ეს უკვე მძიმე შედეგია კრემლისათვის.ამის საპასუხოდ რუსეთი ბელარუსთან ერთად წელს მასიურ სამხედრო სწავლება “ზაპად-2025”-ს გეგმავს. ეს იქნება ევროპის წინააღმდეგ ძალის დემონსტრირების მცდელობა. მაგრამ ბოლო მოვლენებმა გვიჩვენა, რომ ეს ყოველივე ევროპას უფრო მეტად კი არ აშინებს, არამედ აფხიზლებს.
ვიდეო: ვილნიუსის თავზე გერმანული შვეულმფრენები.
კომენტარები