“პიკს გადავდივართ და ალბათ, უკვე დავეშვებით თანდათან ქვემოთ, თუ რამე სერიოზული ბუსტერი არ გაჩნდა ქვეყანაში” – გამყრელიძე

დაავადებათა კონტროლის ეროვნული ცენტრის გენერალურმა დირექტორმა, ამირან გამყრელიძემ ტელეკომპანია „რუსთავი 2“-ის ეთერში განაცხადა, რომ დამატებითი შეზღუდვების აუცილებლობა არ გაჩნდება, თუ მოსახლეობა თავს შეიკავებს ფართომასშტაბიანი შეკრებების ორგანიზებისგან და აიცრება

ამირან გამყრელიძე:

“აღსრულება ბევრად გამკაცრებულია, ვიდრე წინა პერიოდში იყო, მაგრამ მაინც ხდება ბევრი დარღვევა. თავი უნდა ავარიდოთ სუფრებს, რომლებიც ამ ინფექციის და ახალი შემთხვევების განვითარების მთავარი რისკფაქტორია. არ უნდა მოვაწტოთ არავითარი დიდი შეკრებები და სუფრები, მივიდეთ და ავიცრათ. თუ ყველა გაითავისებს თავიანთ სამოქალაქო პასუხისმგებლობას ამ ძალიან მძიმე პერიოდში, მაშინ არ იქნება აუცილებლობა დიდი დამატებითი შეზღუდვების.

პიკს გადავდივართ და ალბათ, უკვე დავეშვებით თანდათან ქვემოთ, თუ რამე სერიოზული ბუსტერი არ გაჩნდა ქვეყანაში. თითოეულმა ჩვენგანმა გავითავისოთ, რომ სერიოზული მდგომარეობაა და ყველამ ვატაროთ ყველგან პირბადე, რომლის ტარების მაჩვენებელიც უნდა იყოს 75% მაინც“.

29 აგვისტოს ცნობილი გახდა, რომ მასშტაბური ღონისძიებების მოწყობის გამო შრომის ინსპექციამ 5 ობიექტი დალუქა და 6 დააჯარიმა.